जी. डी. सी. ॲन्ड ए. व सी. एच. एम. परिक्षा 2024 चा निकाल घोषित

सातारा दि. 17: जी. डी. सी. ॲन्ड ए. बोर्ड मार्फत मे 2024 मध्ये घेण्यात आलेल्या जी. डी. सी. ॲन्ड ए. व सी. एच. एम. परिक्षा 2024 चा निकाल घोषित करण्यात आलेला आहे अशी माहिती सहकारी संस्थेचे जिल्हा उपनिबंधक, संजयकुमार सुद्रीक यांनी दिली. 

हा निकाल https://gdca.maharashtra.gov.in या संकेतस्थळावर परिक्षार्थ्यांना लॉगइन व पासवर्ड वापरून पाहता येईल. तसेच पीडीएफ फॉरमॅटमध्ये https://sahakarayukta.maharashtra.gov.in या संकेतस्थळावर “महत्त्वाचे दुवे मधील जी.डी.सी.ॲण्ड ए. मंडळ” येथे पहावयास उपलब्ध राहील. फेरगुण मोजणी करण्यासाठी परिक्षार्थींना दिनांक 5 जानेवारी 2025 पर्यंत रात्री साडेदहापर्यंत  https://gdca.maharashtra.gov.in या वेबसाईटवर परिक्षार्थ्यांना लॉगइन व पासवर्डचा वापर करून अर्ज करता येईल.  फेरगुण मोजणी करण्यासाठी परिक्षार्थी यांनी फेरगुणमोजणी शुल्क भारतीय स्टेट बॅंक बॅंकेच्या कोणत्याही शाखेत प्रत्येक विषयासाठी फी रू.75 व बॅंक चार्जेस याप्रमाणे चलनाद्वारे भरावे. बॅंकेचे चलन ऑनलाईन प्राप्त करुन घेण्याची मुदत 5 जानेवारी 2024 पर्यंत राहील. सदर चलन बॅंकेत  दिनांक 08 जानेवारी 2025 पर्यंत भरणा करावे. विहीत तारखेनंतर प्राप्त होणाऱ्या अर्जावर विचार करण्यात येणार नाही. तरी सदर परिक्षार्थीनी याची कृपया नोंद घेण्याचे कळविण्यात आले आहे.