महाराष्ट्र राज्य सहकारी पतसंस्था फेडरेशनच्या स्वीकृत संचालकपदी जयकुमार शिंदे यांची निवड

जयकुमार शिंदे हे राज्य फेडरेशनवर दुसऱ्यांदा काम करत आहेत. पतसंस्थांचे अनेक प्रश्न त्यांनी मार्गी लावले आहेत. त्यांच्या या कामगिरीची दखल घेऊन सलग दुसऱ्यांदा त्यांना राज्यपातळीवर काम करण्याची संधी मिळाली आहे.

फलटण प्रतिनिधी - महाराष्ट्र राज्य सहकारी पतसंस्था फेडरेशन गेली ३२ वर्षे पतसंस्थांची नेतृत्व करणारी राज्य पातळीवरील शिखर संस्था आहे. या संस्थेची संचालक मंडळाची निवडणुक नुकतीच बिनविरोध झाली. त्यानंतर झालेल्या बैठकीत पतसंस्था चळवळीत आणि सहकार क्षेत्रात केलेल्या उल्लेखनीय कामगिरीची दखल घेऊन जयकुमार शिंदे यांची राज्य सहकारी पतसंस्था फेडरेशनच्या स्वीकृत संचालकपदी बिनविरोध निवड करण्यात आल्याचे पत्र पतसंस्था फेडरेशनचे चेअरमन काकासाहेब कोयटे यांनी दिले.

दरम्यान जयकुमार शिंदे हे राज्य फेडरेशनवर दुसऱ्यांदा काम करत आहेत.  पतसंस्थांचे अनेक प्रश्न त्यांनी मार्गी लावले आहेत. त्यांच्या या कामगिरीची दखल घेऊन सलग दुसऱ्यांदा त्यांना राज्यपातळीवर काम करण्याची संधी राज्य फेडरेशनचे चेअरमन काकासाहेब कोयटे यांनी दिली असून त्यांच्या या निवडीने खासदार रणजितसिंह नाईक निंबाळकर, खासदार छत्रपती उदयनराजे भोसले, भाजपचे जिल्ह्याध्यक्ष आमदार जयकुमार गोरे, आमदार छत्रपती शिवेंद्रसिंहराजे भोसले, जिल्हा बँकेचे उपाध्यक्ष अनिल देसाई, सहकार परिषदेचे माजी अध्यक्ष शेखर चरेगावकर, सहकार भारतीचे उदय जोशी, राज्य पतसंस्था फेडरेशनचे संचालक डॉ रविन्द्र भोसले, संचालक विनोद कुलकर्णी, व इतर अनेकांनी त्यांच्या या निवडीबद्दल अभिनंदन केले व पुढील वाटचालीस शुभेच्छा दिल्या आहेत.