गणेशोत्सवाच्या पार्श्वभूमीवर फलटण शहर पोलिसांची प्रतिबंधात्मक कारवाई; ४३ जणांना हद्दपारीचे आदेश

फलटण : प्रतिनिधी

गणेशोत्सव २०२६ शांततेत, उत्साहात आणि कायदा व सुव्यवस्था अबाधित राखण्यासाठी फलटण शहर पोलिसांनी प्रतिबंधात्मक कारवाईचा धडाका सुरू केला आहे. उत्सव काळात गैरकृत्य घडू नये यासाठी विविध गुन्ह्यांमध्ये यापूर्वी दाखल असलेल्या एकूण ४३ इसमांविरुद्ध मनाई आदेश पारित करून त्यांना फलटण शहर पोलीस ठाणे व तालुका हद्दीत वावर करण्यास प्रतिबंध करण्यात आला आहे.

भारतीय नागरिक सुरक्षा संहिता (BNSS) कलम १६३(२) नुसार दि. २४ सप्टेंबर २०२६ रोजी ००.०१ वाजेपासून दि. २६ सप्टेंबर २०२६ रोजी १२.०० वाजेपर्यंत संबंधित इसमांना पोलीस ठाणे व तालुका हद्दीत वावर अथवा वास्तव्य करता येणार नाही.

या कारवाईत विशाल पांडुरंग माळी, देविदास बापू माळी, संपत भरत माळी, अजय पांडुरंग माळी, रंगराय भरत माळी, अमर राजू माळी, नेताजी प्रकाश माळी, प्रकाश काळुराम माळी, अमोल आकाराम मोरे, रमेश संजय माळी, अजय रघुनाथ माळी, करण संजय सरगर, मंगेश किसन बेंद्रे, रोहन महेश सरगर, किशोर धनराज पवार, धनराज लक्ष्मण पवार, अमित अनिल कदम, राहुल बजरंग पोतेकर, सुरज हिंदुराव कदम, बजरंग राजेंद्र खलाटे, वरद विद्याधर भोईटे, प्रविण तुळशीराम नाळे, किरण कुमार घोरपडे, अजय संभाजी भोसले, अभिजित जयवंत खराडे, सचिन जयवंत खराडे, महेश विलास आवारे, हेमंत दत्तात्रय शिरतोडे, शिवाजी जगन्नाथ डोईफोटे, बिलाल रफिक कुरेशी, झिशान ऊर्फ दिशान इमाम बेपारी ऊर्फ कुरेशी, आबु ऊर्फ अल्ताब अफसर कुरेशी, मुबारक हनिफ कुरेशी, शाहरुख जलील कुरेशी, अजिम शब्बीर कुरेशी, शंकर रामराव जुवेकर आणि अजय संजय जाधव यांचा समावेश आहे.

दरम्यान, BNSS कलम १६८ अन्वये १,४७० इसमांना नोटिसा बजावण्यात आल्या असून, आणखी एका इसमाविरुद्ध तडीपार प्रस्ताव तयार करून वरिष्ठ कार्यालयाकडे मंजुरीसाठी पाठविण्यात आला आहे.

प्रतिबंधात्मक उपाययोजनांचा भाग म्हणून BNSS कलम १२६ अन्वये ९४, कलम १२९ अन्वये ३, प्रोव्ही अॅक्टनुसार ७, महाराष्ट्र पोलीस कायदा कलम १२२ अन्वये २ आणि कलम १०२ अन्वये ९ वाहनचालकांविरुद्ध खटले दाखल करण्यात आले आहेत.

गणेशोत्सवाच्या पार्श्वभूमीवर पोलिसांकडून विविध बैठकींचेही आयोजन करण्यात आले. यामध्ये ५ शांतता कमिटी बैठका, ७ पोलीस मित्र बैठका, १० पोलीस-नागरिक समन्वय बैठका आणि १२ इतर विभागांच्या समन्वय बैठका घेण्यात आल्या. या बैठकीत गणेश मंडळांचे पदाधिकारी, ग्रामस्थ आणि नागरिकांना उत्सव काळात शांतता व सलोखा राखण्याबाबत मार्गदर्शन करण्यात आले.

ही कारवाई पोलीस अधीक्षक निखील पिंगळे, अपर पोलीस अधीक्षक डॉ. वैशाली कडुकर आणि फलटण विभागाचे उपविभागीय पोलीस अधिकारी धन्यकुमार गोडसे यांच्या मार्गदर्शनाखाली फलटण शहर पोलीस ठाण्याचे प्रभारी अधिकारी घनशाम बल्लाळ यांनी केली.