पांडुरंगावर निस्सीम भक्ती असणारा अवलिया अधिकारी - सकारात्मक ऊर्जेचा स्रोत उपविभागीय अधिकारी सचिन ढोले

सचिन नावाचा अर्थ खरे, शुद्ध, अस्तित्व, भगवान इंद्र असा आहे. सचिन नाव असलेल्या व्यक्तीची वैशिष्ट्ये, स्वभाव आणि वर्तन त्याच्या अर्थानुसार असेल असे शास्र सांगते तरीही आपल्या नावातील अर्थ काय आहे या पेक्षा आपले कर्तव्य किती महत्वाचे आहे हे आपल्या कार्यातून दाखवून देणारे व्यक्तिमत्व म्हणजे फलटणचे उपविभागीय अधिकारी सचिन ढोले होय. आज त्यांना वाढदिवसाच्या निमित्ताने त्यांना शब्दमय शुभेच्छा.,.

अधिकारी हा त्यांच्या पदाने नव्हे तर त्या पदाचा उपयोग सक्षमपणे जनतेसाठी किती करतो त्यावरून पदाची उंची वाढवत असतो व तेच काम आज फलटणचे उपविभागीय अधिकारी सचिन ढोले करताना दिसत आहेत. गेल्या काही महिन्यांपासून उपविभागीय अधिकारी म्हणून नियुक्ती झाल्यानंतर सचिन ढोले साहेबांनी आपला कार्याचा फोकस सकारात्मक दृष्टिकोनातून जनतेच्या हितासाठी करत फलटण उपविभागाला वेगळी ऊर्जा देण्याचे काम केल्याचे दिसून येत आहे. वेगवेगळ्या मिटिंग मधून त्यांचा दिसणारा वावर हा सहकारी अधिकाऱ्यांना प्रेरणा व उत्साह देत असल्याचे दिसून येते. शेतकऱ्यांनी हितासाठी ई - पीक पाहणी नोंद केली पाहिजे यासाठी फलटण तालुक्यातील गावागावात जाऊन संपूर्ण महसूल यंत्रणा ई- पीक पाहणीचे फायदे शेतकऱ्यांना समजावून देण्याचे काम प्रांताधिकारी स्वतः करीत असल्याचे दिसले होते. तर येणाऱ्या निवडणूकीच्या अनुषंगाने मतदानाचा टक्का वाढला पाहिजे व जास्तीत जास्त नव मतदारची नोंदणी करण्याचे देश हिताचे काम ढोले साहेबानी केले आहे. शेतकऱ्यांच्या बांधावर, वाडया - वस्त्यावर फिरून काम करणारा अधिकारी फलटणकर पहिल्यांदाच पाहत आहेत. पारदर्शक व स्वच्छ कारभार हे ढोले साहेबांचे आणखी एक वैशिष्ट्य. 

"शासकीय काम आणि सहा महिने थांब" अशी एक म्हण जनमानसात रूढ झाली होती. मात्र ढोले साहेबांची कामाची पद्धत ही सकाळच्या कोवळ्या उन्हाने सुरु होते तर दिवसभराच्या कामाचा शेवट हा कधी होईल हे सांगता येणे अशक्य. त्याला कारणही तसेच आहे. उपविभागीय कार्यालयातील अतिशय तोकडा कर्मचारी वर्ग, कामाचा प्रचंड व्याप तर कोणतेही काम अर्धवट सोडून न उठण्याची ढोले साहेबांची कामाची पद्धत यामुळेच की काय अगदी संध्याकाळी उशिरापर्यंत सुद्धा प्रांताधिकारी यांच्या दालनात माणसाची रीघ दिसून येते. त्यामुळे आता फलटणचे उपविभागीय अधिकारी कार्यालयातील काम हे क्षणात होऊ लागल्याचे बोलले जात आहे.

एकूणच प्रांताधिकरी यांच्या समवेत काम करणारे सर्वच अधिकारी, कर्मचारी यांना कामाप्रती प्रेम कसे असावे याचे उदाहरणच ढोले साहेब आपल्या नित्य कामातून देत असल्याचे फलटण येथील एका वरिष्ठ अधिकाऱ्यांने सांगितले तर आपले कुटुंबाचे पोट ज्या नोकरीतून भरते त्या "भाकरी" ला आपण इमाने - इतबारे निभावण्याचे कर्तव्य केले पाहिजे हे ढोले साहेब नेहमीच सांगतात. पंढरपूरच्या पांडुरंगावर निस्सीम भक्ती असणारा हा अवलिया अधिकारी भविष्यात  आपल्या प्रामाणिक कष्टाने उच्चपदावर दिसला तर नवल वाटायला नको. आपल्या कुटुंबापासून कैक मैल दूर राहत आपल्या कामाला निष्ठापूर्वक निभावणारे प्रांताधिकारी सचिन ढोले साहेबांना दीर्घायुष्य लाभो...

झेप अशी घ्या की पाहणा-यांच्या माना दुखाव्यात,

आकाशाला अशी गवसणी घाला की पक्ष्यांना प्रश्न पडावा,

ज्ञान इतके मिळवा की सागर अचंबित व्हावा,

इतकी प्रगती करा की काळ ही पाहत रहावा.

कर्तुत्वाच्या अग्निबाणाने ध्येयाचे गगन भेदून

यशाचा लख्ख प्रकाश तुम्ही चोहीकडे पसरवा…

वाढदिवसाच्या हार्दिक शुभेच्छा!

सचिन मोरे, संपादक धैर्य टाईम्स.