महाराजस्व अभियान 2023 अंतर्गत गिरवी (फलटण ) येथे विविध दाखल्यांचे वाटप

गिरवी (फलटण ) येथे महाराजस्व अभियान 2023 अंतर्गत शालेय विद्यार्थ्यांना जातीचे व कायम रहिवाशी दाखल्यांचे वाटप शुक्रवार दिनांक 10 मार्च 2023 रोजी येथील छत्रपती शिवाजी माध्यमिक विद्यालय व जुनिअर कॉलेज येथे करण्यात आले.                        

शिवाजीराव जगताप, उपविभागीय अधिकारी फलटण, समीर यादव तहसिलदार फलटण, यांच्या मार्गदर्शनाखाली दादासाहेब दराडे, अप्‍पर तहसिलदार फलटण यांच्याहस्ते विद्यार्थ्यांना विविध दाखल्यांचे वाटप करण्यात आले. यावेळी जय भवानी एज्युकेशन सोसायटीचे अध्यक्ष सहयाद्री कदम, गिरवी ग्रामपंचायतच्या लोकनियुक्त सरपंच सौ. वैशाली राजेंद्र कदम, उपसरपंच संतोष मदने, उपस्थित होते.

महाराजस्व अभियान 2023 अंतर्गत शालेय विद्यार्थ्यांना जातीचे व कायम रहिवाशी दाखले असे एकूण ११० दाखले वाटप करणेत आले. यावेळी संतोष झनकर, मंडलाधिकारी गिरवी, लक्ष्‍मण अहिवळे, तलाठी तसेच विद्यालयाचे मुख्‍याध्‍यापक व शिक्षक, ग्रामपंचायत सदस्य, ग्रामस्‍थ मोठ्या संख्येने उपस्थित होते.