सातारा ग्रंथ महोत्सव आयोजित सांस्कृतिक मध्ये महात्मा फुले अध्यापक विद्यालयाचा नावलौकिक कायम

  सातारा:   सातारा जिल्हा ग्रंथ महोत्सव समिती आयोजित ग्रंथ महोत्सव- 2024 नाटककार डॉ.विश्वास मेहंदळे नगरी येथे संपन्न झालेल्या 23 व्या ग्रंथ महोत्सवानिमित्त विद्यार्थ्यांच्या सुप्त कलागुणांना वाव देण्याच्या हेतूने तसेच लोकसंस्कृतीचा जागर करण्यासाठी, लोकसंस्कृती, संस्कृतीमधून एकतेसाठी सांस्कृतिक कार्यक्रमाचे आयोजन केलेले होते. या कार्यक्रमात महात्मा फुले अध्यापक विद्यालयातील विद्यार्थिनींनी सादर केलेल्या राजस्थानी लोकगीताचा ज्यूनिअर गटामध्ये प्रथम क्रमांक आला. ज्येष्ठ साहित्यिक रामदास फुटाणे,  माजी प्र. कुलगुरू डॉ. अशोक भोईटे, डॉ.यशवंत पाटणे, ग्रंथ समिती सदस्य आदी मान्यवर उपस्थित होते.

ग्रंथ आपल्याला रद्दी होण्यापासून वाचवतात, ग्रंथामुळे दिशा व मार्ग सापडतो, अंधारात प्रकाशाची वाट दाखवतो ग्रंथ म्हणजे प्रकाशाची वाट वाचन संस्कृती संवर्धन या हेतूने आयोजित केलेल्या ग्रंथ महोत्सवानिमित्त   नवीन पिढीला लोकसंस्कृती विषयी माहिती व जागर करण्याच्या हेतूने लोकसंस्कृतीचा जागर व परिचय, भारतीय कलागुणांना वाव देण्याच्या हेतूने तसेच विद्यार्थ्यांच्या छंद, आवडीला संधी देणेसाठी सांस्कृतिक स्पर्धांचे आयोजित केलेले होते. विविध गटात विविध कला गुण प्रकार सादर केले. सांस्कृतिक कार्यक्रमातून आपली कला सादर करून भारतीय संस्कृती किती व्यापक व उदात्त आहे याची कल्पना यामधून आली. संस्कृतीमधून एकतेचे संवर्धन होते, याचे संस्कार यामधून झाले. या सांस्कृतिक कार्यक्रमास जमलेल्या रसिक प्रेक्षकांनी टाळ्या वाजवून मनमुराद दाद दिली. 

 गत वर्षीप्रमाणे याही वर्षी सुद्धा रयत शिक्षण संस्थेच्या महात्मा फुले अध्यापक विद्यालयाने ज्युनियर गटामध्ये प्रथम क्रमांकाचे पारितोषिक ज्येष्ठ साहित्यिक रामदास फुटाणे, माजी कुलगुरू अशोक भोईटे, डॉ. यशवंत पाटणे यांच्या शुभहस्ते स्वीकारले. याप्रसंगी अध्यापक विद्यालयाचे प्राचार्य उदयकुमार सांगळे, सांस्कृतिक विभागप्रमुख प्रा. प्रदीप हिवरकर.  प्रा. रवींद्र घाटगे, प्रा. सोमनाथ शिंगाडे, डॉ. दादासाहेब नवले, प्रा.ज्योती शिंदे, सर्व विजेत्या विद्यार्थिनी स्पर्धक उपस्थित होते.