छत्रपती शिवाजी महाराज पुतळ्यास अभिवादनास मुभा

फलटण, दिनांक २० : धैर्य टाईम्स 

 फलटणमध्ये छत्रपती शिवाजी महाराज चौक परिसरात सार्वजनिक कार्यक्रम,मिरवणुकीला प्रशासनाने बंदी घातली आहे. मात्र या कालावधीत नागरिक व शिवभक्त यांना छत्रपती शिवाजी महाराज यांच्या पुतळ्यास अभिवादन व दर्शन घेण्याची मुभा असल्याचे प्रांताधिकारी शिवाजीराव जगताप यांनी प्रसिद्धीस दिलेल्या पत्रकात म्हटले आहे.

फलटण शहरात दिनांक 22 रोजी साजरा होणाऱ्या शिवजयंतीला फलटण तालुका सार्वजनिक शिवजयंती उत्सव समिती व फलटण तालुका शिवजयंती उत्सव समिती या दोन्ही उत्सव समितीने शहर पोलीस निरीक्षक यांच्याकडे दोन मिरवणुकांसाठी परवानगी मागितली होती याबाबत फलटण शहरामध्ये शिवजयंती उत्सव शांततेत पार पडण्यासाठी प्रशासनाने छत्रपती शिवाजी महाराज चौक या ठिकाणी शासकीय कार्यक्रम वगळून इतर सर्व वैयक्तिक व सार्वजनिक कार्यक्रमांवर बंदी घातली असून छत्रपती शिवाजी महाराज चौक ते उपजिल्हा रुग्णालय, छत्रपती शिवाजी महाराज चौक ते एसटी स्टँड व छत्रपती शिवाजी महाराज चौक ते डॉ बाबासाहेब आंबेडकर चौक या ठिकाणी दिनांक 21 एप्रिल रोजी सायंकाळी 6 वाजल्यापासून दिनांक 22 एप्रिल रोजी रात्री 12 वाजेपर्यंत कोणत्याही वैयक्तिक व सार्वजनिक कार्यक्रमांना प्रतिबंध घालण्यात आले असल्याचे मात्र या काळात नागरिक व शिवभक्त यांना छत्रपती शिवाजी महाराज यांच्या पुतळ्यास अभिवादन व दर्शन घेण्याची मुभा असल्याचे प्रांताधिकारी शिवाजीराव जगताप यांनी प्रसिद्धीस दिलेल्या पत्रकात म्हटले आहे

छत्रपती शिवाजी महाराज चौक परिसरात सालाबाद प्रमाणे दर्शन व अभिवादन 

फलटण शहर पोलीस स्टेशन मार्फत सर्व नागरिकांना आवाहन करण्यात आले आहे की, दिनांक 22.4.2023 रोजी छत्रपती शिवाजी महाराज जयंती साजरी करण्यात येणार आहे.सदर जयंती अनुषंगाने छत्रपती शिवाजी महाराज चौक परिसरात सालाबाद प्रमाणे दर्शन व अभिवादन करीता नागरिकांना मुभा असेल व सर्व कार्यक्रम प्रशासनामार्फत करण्यात येणार आहेत. तरी नागरिकांनी कोणत्याही अफवांवर विश्वास ठेवू नये तसेच अफवा पसरवू नये असे आवाहन फलटण शहर पोलीस स्टेशन पोलीस निरीक्षक शंकर पाटील यांनी केले आहे.