मातोश्री वि.का.स.सेवा सोसायटीच्या वतीने शेतकऱ्यांना कर्जवाटपाचा शुभारंभ

फलटण प्रतिनिधी : 

मौजे भाडळी बु.ता.फलटण येथील सर्वसामान्य शेतकऱ्यांना केंद्रबिंदु मानुन नव्याने स्थापन झालेल्या मातोश्री विकास सेवा सोसायटी मर्या भाडळी बु.च्या वतीने 2023/24 यावर्षीच्या आर्थिक वर्षातील पीक कर्जाच्या वाटपाचा शुभारंभ सातारा जिल्हा मध्यवर्ती सहकारी बँक सातारा शाखा - दुधेबावी येथे नुकताच संपन्न झाला. यावेळी भाडळी बु. येथील शेतकऱ्यांना विकास अधिकारी अप्पासाहेब गावडे, पश्चिम महाराष्ट्र पोलीस पाटील संघटनेचे उपाध्यक्ष  हनुमंतराव सोनवलकर -पाटील, शाखाप्रमुख यु.पी.बनकर साहेब, संस्थेचे संस्थापक चेअरमन मोहनराव डांगे यांच्या शुभहस्ते कर्ज रकमेचा धनादेश देण्यात आला. यावेळी बॅंकेचे कॅशियर आर. सी.सस्ते साहेब, कर्मचारी एन.एम. गायकवाड यांच्या सह भाडळी बु. चे माजी ग्रामपंचायत सदस्य वसंतराव डांगे, राजेंद्र माने, भाडळी खु. चे माजी सरपंच  रखमाजी पिसाळ, तानाजी सावंत, रमेश डांगे,ज्ञानेश गुरुकुल वारकरी शिक्षण संस्था भाडळी बु. चे अध्यक्ष ह.भ.प.स्वप्नील महाराज शेंडे, विकास सोसायटी चे सचिव  सचिन सोनवलकर , संस्थेचे संचालक यांच्यासह भाडळी बु. गावातील शेतकरी तसेच ग्रामस्थ उपस्थित होते.संस्थेच्या स्थापना प्रक्रियेपासून ते बॅंकेच्या पतधोरणाला अनुसरुन कर्ज वाटप होईपर्यंत अनेकांचे अनमोल सहकार्य मिळाल्याचे संस्थापक चेअरमन  मोहनराव डांगे यांनी सांगितले.संस्थेचे कामकाज महाराष्ट्र राज्य विधानपरिषदेचे माजी सभापती श्रीमंत रामराजे नाईक निंबाळकर, फलटण - कोरेगाव विधानसभा मतदारसंघाचे आमदार दिपकराव चव्हाण साहेब तसेच जि.प. सातारा चे माजी अध्यक्ष श्रीमंत संजीवराजे नाईक निंबाळकर यांच्या मार्गदर्शनाखाली सुरु असुन बॅंकेच्या सर्व योजना शेतकऱ्यांपर्यंत पोचविण्यासाठी संस्था कटिबद्ध असल्याचे सांगितले. यावेळी सहायक निबंधक सहकारी संस्था फलटण सुनिल धायगुडे, जिल्हा मध्यवर्ती बँकेचे विभागीय विकास अधिकारी निंबाळकर,  निवृत्त उपव्यवस्थापक प्रशासन विभाग  विश्वासराव परकाळे साहेब, निवृत्त विभागीय विकास अधिकारी अविनाश खलाटे साहेब, विक्री अधिकारी  ढेंबरे ,पं.स.चे मा.सदस् सचिन रणवरे, मा.उपसरपंच दत्तात्रय डांगे, ग्रामपंचायत सदस्य अनुक्रमे  सचिन शिरतोडे, मंगेश माने, सहायक निबंधक सह. संस्था कार्यालयातील अधिकारी, कर्मचारी यांच्यासह पंचक्रोशीतील आजी माजी पदाधिकाऱ्यांनी संस्थेच्या पुढील कामकाजासाठी शुभेच्छा दिल्या.