सातारा येथे श्रामणेर बौद्धाचार्य प्रशिक्षण शिबिर संपन्न

सातारा : प्रतिनिधी 

 दि बुद्धीस्ट सोसायटी ऑफ इंडिया तथा भारतीय बौद्ध महासभा शाखा सातारा तालुका यांच्या वतीने प्रथमच श्रामणेर बौद्धाचार्य प्रशिक्षण शिबिराचे आयोजन करण्यात आले होते. सदरचे प्रशिक्षण शिबीर हे दिनांक ३० एप्रिल २०२३ ते ९ मे २०२३ पर्यंत मिलिंद सोसायटी हॉल, सदर बाजार, सातारा या ठिकाणी आयोजित करण्यात आले होते. यावेळी १५ प्रशिक्षणार्थींनी यात सहभाग घेतला होता. त्याचा मोठ्या दिमाखात समारोप सोहळा पार पडला.

समारोप प्रसंगी सर्वप्रथम तथागत भगवान गौतम बुद्ध व बोधिसत्व महामानव डॉ. बाबासाहेब आंबेडकर यांच्या प्रतिमांना अभिवादन करण्यात आले. त्याचबरोबर कर्मवीर भाऊराव पाटील यांच्या पुण्तिथीनिमित्त त्यांच्याही प्रतिमेला पुष्पहार अर्पण करून अभिवादन करण्यात आले. यावेळी पूज्य भंतेना याचना करत त्रीसरण पंचशील ग्रहण केले. पूज्य भंते यांनी देसना दिली.

 कार्यक्रमाच्या अध्यक्षस्थानी संस्थेचे तालुका आबा दणाने होते. दि बुद्धीस्ट सोसायटी ऑफ इंडिया तथा भारतीय बौद्ध महासभाचे राष्ट्रीय ट्रस्टी व समता सैनिक दल सातारा जिल्हा प्रमुख अरुण पोळ, सामाजिक कार्यकर्ते चंद्रकांत खंडाईत, संस्थेचे जिल्हाध्यक्ष सुदाम ढापरे, जिल्हा संस्कार उपाध्यक्ष भागवत भोसले, माजी राष्ट्रीय सचिव एन.एम. अगाणे, उपाध्यक्ष शिवनाथ जावळे, तालुका अध्यक्ष विशाल रणदिवे, समता सैनिक दल जिल्हा कमांडर आकाश कांबळे, पूजा साळुंखे, प्रियंका गडगे आदींसह सातारा तालुका कार्यकारणी पदाधिकारी, सदस्य, उपासक उपसिका उपस्थित होते.