विटा नगरपरिषदेच्या जीवनधारा कोविड सेंटरची विनाकारण बदनामी

येथील नगरपालिका संचालित जीवनधारा कोविड सेंटर ची विनाकारण बदनामी केली जात आहे. ती थांबवावी, अशी मागणी करणारे निवेदन विटा नगरपालिकेच्या नगरसेवकांनी प्रातांधिकारी संतोष भोर यांना निवेदन दिले आहे. प्रसिद्ध दिलेल्या निवेदनात म्हटले आहे की, जिल्हाधिकारी डॉ. अभिजीत चौधरी व तालुका प्रशासनाच्या आग्रहामुळे तालुका व‌ विटा शहरातील कोविड रुग्णांच्या उपचाराची व्यवस्था व्हावी. यासाठी विटा नगरपरिषदेने पुढाकार घेऊन राज्य शासनाच्या शासकीय निवासी शाळेच्या इमारतीमध्ये जीवनधारा हॉस्पिटल व्यवस्थापनाच्या माध्यमातून जीवनधारा कोविड रुग्णालयाची उभारणी केलेली आहे हे रुग्णालय उभा करीत असताना राज्य शासनाने निवासी शाळेची इमारत उपलब्ध करून देणे व नगरपरिषदेने त्यासाठी लागणाऱ्या कॉट्स,ऑक्सिजन वाहण्यासाठी लागणार्‍या पाईपलाईन,आवश्यकतेनुसार सर्व वीज फिटिंग,पाणीपुरवठा, ऑक्सिजन साठवणीसाठी लावणारे जम्बो सिलेंडर, रूग्णांसाठी उपचारासाठी लागणारे साहित्य व यासारख्या सर्व पायाभूत सुविधा निर्माण करून द्यायची जबाबदारी होती तर या ठिकाणी रुग्णांवर उपचारासाठी जीवनधारा रुग्णालयाच्या व्यवस्थापनाच्या करारानुसार त्यासाठी त्या ठिकाणी आवश्यक ते तज्ञ डॉक्टर, सहाय्यक डॉक्टर,नर्सिंग स्टाफ, सफाई कर्मचारी, नियुक्त करणे व दाखल होणाऱ्या रुग्णावर योग्य उपचार करून शासनाने जाहीर केलेल्या दर पत्रकानुसार रुग्णांकडून बिलाची वसुली करणे अशी जबाबदारी जीवनधारा रुग्णालय व्यवस्थापनाची होती या पार्श्वभूमीवर स्वतः आपण माननीय तहसीलदार साहेब व विटा नगर परिषदेच्या मुख्याअधिकारी यांच्या देखरेखीखाली व रुग्णालयाची उभारणी करून आपल्या उपस्थितीमध्ये या रुग्णसेवेचे लोकार्पण करण्यात आले. शासनाने जाहीर केलेल्या दर पत्रककाममध्ये जनरल वार्ड मधील विलगीकरण बेडसाठी 4000 तर ऑक्सिजन आयसीयू बेडला 7500 रुपये प्रति दिवसाकरता आकारणी करावी या सूचनेनुसार जीवनधारा व्यवस्थापनाने सर्व बेड ऑक्सिनेटेड असल्याने 7500 रुपये प्रतिदिन प्रमाणे व करारातील शर्तीनुसार 15 टक्के सूट देऊन आकारणी सुरू केलेली होती व नियमानुसार त्यांनी दररोजची दिले शासनाने नेमलेल्या ऑडिटर यांच्याकडे दाखल केली होती या पार्श्वभूमीवर आयसीयू नसताना 7500 प्रमाणे आकारणी करावी का असा प्रश्‍न उपस्थित झाल्यानंतर जिल्हाधिकारी यांनी नगर परिषदेच्या वतीने संपर्क करून याबाबत मार्गदर्शन घेण्यात आले व माननीय जिल्हाधिकारी साहेबांच्या सूचनेनुसार सर्व बेडना ऑक्सिजन सुविधा असली तरीही 4000 प्रमाणे आकारणी करण्याच्या सूचना जीवनधारा रुग्णालयात करण्यात आल्या व त्यांनीही तात्काळ या सूचनेनुसार तशी आकारणी सुरू करून प्रशासनाच्या सूचनेनुसार यापूर्वी आकारणी केलेल्या रुग्णांना जादा आकारणी झालेली रक्कम परत करण्यास सुरुवात केली बिलाची आकारणी व त्यानंतर निर्माण झालेला संभ्रम व आदेशानुसार अतिरिक्त रक्कम परत करणे या सर्व बाबी जीवनधारा रुग्णालयाच्या पातळीवरच्या होत्या त्यामध्ये अर्थात विटा नगर परिषदेचा काहीही संबंध नव्हता तरीही जादा आकारणी होत असले तर ती त्वरित थांबवून ज्यादा वसूल केलेली रक्कम त्वरित संबंधितांना रुग्णांना परत करावी यासाठी विटा नगरपरिषद कौन्सिल सदस्यांनी जीवनधारा रुग्णालय व्यवस्थापनाकडे तगादा लावला होता या सर्व पार्श्वभूमीवर ऑक्सिजन बेड असलेले 7500 लावावेत का अलगीकरण कक्षा सारखे 4000 लावलेत या बाबतीमध्ये सर्वांच्याच मनामध्ये संभ्रम असल्याने ही अनियमितता घडली आहे ही वस्तुस्थिती आहे व असा प्रकार केवळ जीवनधाराच नव्हे तर तालुक्यातील व जिल्ह्यातील सर्व रुग्णालयांमध्ये घडलेला आहे व ही बाब निदर्शनास येताच त्यामध्ये सुधारणा करण्यात आलेली असताना दोन दिवसांपूर्वी माननीय तहसीलदार साहेबांनी एका स्थानिक दूरचित्रवाणीला दिलेल्या माहितीचा विपर्यास होऊन विनाकारण विटा नगरपरिषदेची खूप मोठी बदनामी झालेली आहे वस्तूता बिलाची आकारणी कशी केली जात आहे हे पहिल्या दिवसापासून पाहून त्याची तपासणी करण्याचे काम शासनाने नियुक्त केलेल्या ऑडिटर यांचे होते ते त्यांनी वेळेत न केल्याने किंवा कोणता दर लावावा या बाबतीमध्ये संभ्रम असल्याने म्हणा बिल आकारणी मध्ये अनियमितता झाली मात्र तहसीलदार शेळके यांच्या मुलाखतीचा विपर्यास करून विटा नगरपरिषदेची नाहक बदनामी करण्यात आल्याने याबाबत आपण प्रशासन म्हणून योग्य खुलासा वस्तुस्थिती प्रसारित करणे आवश्यक आहे .‌ यावेळी नगरसेवक किरण तारळेकर, फिरोज तांबोळी,सुभाष भिंगारदेवे,राहुल हजारे,विशाल तारळेकर, अविनाश चोथे,सचिन शितोळे,प्रशांत कांबळे,प्रताप सुतार, ज्ञानेश्वर शिंदे, भरत कांबळे,निलेश दिवटे,विनोद पाटील उपस्थित होते.