"चला जाणुया नदीला" अभियानांतर्गत 12 ते 31 डिसेंबर दरम्यान नदी संवाद यात्रेचे आयोजन

 "स्वातंत्र्याचा अमृत महोत्सव" अंतर्गत "चला जाणुया नदीला" अभियान राबविण्यात येत आहे. या अभियानांतर्गत दि.12 डिसेंबर 2022  ते 31 डिसेंबर 2022 या कालावधीत नदी संवाद यात्रेचे आयोजन करण्यात आले आहे. यामध्ये जिल्ह्यातील कृष्णा, वेण्णा, येरळा व माणगंगा या नद्यांचा समावेश आहे.

कृष्णा नदी संवाद यात्रा दोन टप्प्यात होणार असून पहिला टप्पा  दि. 12 डिसेंबर 2022 रोजी क्षेत्र महाबळेश्वर येथून सुरु होवून क्षेत्र माहुली येथे दि. 26 डिसेंबर 2022 रोजी संपणार आहे. तर दुसरा टप्पा दि. 27 डिसेंबर 2022 रोजी चिंचणेर (नि.वंदन) येथून सुरु होवून दि. 31 डिसेंबर 2022 रोजी तांबवे -कोळे-बहे-बोरगाव येथे समाप्त होणार आहे. कृष्णा नदी  संवाद यात्रेत सहभागी होण्यासाठी समन्वयक प्रदीप पाटणकर संपर्क क्र. 9422039483, संदीप श्रोत्री क्र.-9822058583 यांच्याशी संपर्क साधावा.

वेण्णा नदीची संवाद यात्रा दि. 13 डिसेंबर 2022 रोजी वेण्णा लेक, महाबळेश्वर येथून सुरु होवून दि. 18 डिसेंबर 2022 रोजी वाढे ता. सातारा येथे संपणार आहे. या नदीच्या यात्रेत सहभागी होण्यासाठी नदी समन्वयक प्रविण पवार-9049605602, सारंग पाटणकर-7020883758, बजरंग चौधरी-7038401505 व समन्वयक अधिकारी वरुन मोटे-9420050800 यांच्याशी संपर्क साधावा.

येरळा नदीची संवाद यात्रा दि. 19 डिसेंबर 2022 रोजी मांजरवाडी ता. खटाव येथून सुरु होवून दि. 27 डिसेंबर 2022 रोजी चितळी ता. खटाव येथे समाप्त होणार आहे. या नदीच्या संवाद यात्रेत सहभागी होण्यासाठी समन्वयक अधिकारी विकास बनसोडे-7588383190, नदी समन्वयक सुंदरगिरी महाराज-9421179399, प्रकाश जाधव-9145707134, संपतराव पवार-9657737537, जय कुलकर्णी-9552589751 यांच्याशी संपर्क साधावा.

माणगंगा नदीची संवाद यात्रा गाडेवाडी ता. माण येथून दि. 13 डिसेंबर 2022 रोजी सुरु होणार आहे. या नदीच्या संवाद यात्रेचा समारोप दि. 18 डिसेंबर 2022 रोजी राजेवाडी मध्यम प्रकल्प ता. माण येथे होणार आहे. या नदीच्या संवाद यात्रेत सहभागासाठी समन्वयक अधिकारी विकास बनसोडे-7588383190, नदी समन्वयक वैजनाथ गोंगाडे-9420093599, माधव पोळ-9422400689, रुपेश कदम-9834969707, अजित म्हसवड-9922248550 यांच्याशी संपर्क साधावा.

नदी स्वच्छता व संवर्धन यासाठी राबविण्यात येणाऱ्या चला जाणुया नदीला अभियानांतर्गत आयोजित करण्यात आलेल्या नदी संवाद यात्रेत नागरिक, समाजसेवी संस्था यांनी मोठ्या प्रमाणात सहभागी व्हावे, असे आवाहन सिंचन मंडळाचे अधीक्षक अभियंता संजय डोईफोडे यांनी केले आहे.