दुकानाचे कुलूप तोडून चोरी : रोख रकमेसह मालावर डल्ला

फलटण प्रतिनिधी : दि.27 एप्रिल धैर्य टाईम्स 

मलटण येथील दुकानाचे कुलूप तोडून अज्ञात चोरट्यांनी रोख रक्कम व माल अशी ६६ हजाराची चोरी केल्याची घटना घडली असून याप्रकरणी शहर पोलीस ठाण्यात अज्ञात चोरट्यांच्या विरोधात गुन्हा दाखल करण्यात आला आहे

फलटण शहर पोलीस ठाण्यातून मिळालेल्या माहितीनुसार, दिंनाक २५ रोजी दुपारी १२:३० ते दिनांक २६ रोजीचे सकाळी ९:३० दरम्यान अज्ञात चोरटयाने फिर्यादी श्रावणसिंग इंद्रसिंग दुधाणी (रा. सोमवारपेठ फलटण ता. फलटण) यांच्या महतपुरापेठ सगुणामातानगर मलटण येथे असणाऱ्या सरदार स्टील ट्रेडर्स नावाचे दुकानाचे अज्ञात चोरट्याने आतमधील दरवाज्याचे कुलुप तोडून दरवाजा उघडून दुकानात प्रवेश करून फर्निचर टेबलच्या ड्रॉवरला असलेले लॉक तोडून त्यामध्ये असलेली १६ हजार रुपये रोख रक्कम व २० हजार रुपये किंमतीचे ६०० किलो कच्चे लोखंड व ३० हजार रुपये किंमतीचे ८०० किलो लोखंडी ट्रकचे पाटे असे एकुण ६६ हजार रुपये किंमतीचे रोख रक्कम व साहीत्य चोरीस नेली याप्रकरणी शहर पोलीस ठाण्यात फिर्यादी श्रावणसिंग इंद्रसिंग दुधाणी अज्ञात चोरट्याच्या विरोधात गुन्हा दाखल करण्यात आला असून अधिक तपास पो.हवा धापते करीत आहेत.