शॉटसर्किटच्या आगीत ऊस जळून खाक

फलटण प्रतिनीधी:-तालुक्यातील सांगवी परिसरातील सोनगाव येथील रणजीत रामदास बर्गे यांच्या शेतातील ट्रान्सफॉर्मर मध्ये शॉटसर्किट झाल्याने आग लागली या आगीत दोन एकर पैकी एक एकर ऊस जळून खाक झाला आहे. यामुळे रणजीत रामदास बर्गे यांचे सुमारे दोन लाख पन्नास हजार रुपयांचे नुकसान झाले आहे. 

सोनगाव येथील रणजीत रामदास बर्गे यांच्या गट नंबर २७/६१ या शेतात विजेचा ट्रान्सफॉर्मर आहे व शेजारी ऊसाचे क्षेत्र आहे. दिनांक २६ रोजी दुपारी २ वाजता अचानक शेताच्या लगत असलेल्या महावितरणच्या ट्रान्सफॉर्मर मध्ये शॉटसर्किट झाल्याने सुमारे ८६०३२ जातीचा १० ते ११ महिन्याचा दोन एकर ऊस असणाऱ्या शेतात उसाच्या शेतात आग लागली. यामध्ये एक एकर ऊस जळून खाक झाला यात सुमारे दोन लाख पन्नास हजार रुपयांचे नुकसान झाले आहे. आगीची बातमी समजताच रणजीत रामदास बर्गे व परिसरातील नागरिकांनी फलटण नगर परिषदेचा अग्निशामक दलाच्या गाडीच्या मदतीने आग आटोक्यात आणली. तोपर्यंत एक एकर ऊस जळून गेला होता. 

महावितरण कंपनीच्या हलगर्जीपणामुळे शेतकऱ्यांचे लाखो रुपयांचे नुकसान झाले आहे. अनेक ठिकाणी लाईटच्या तारांना झोळ पडलेले आहेत तर अनेक ठिकाणी पोल वाकलेले आहेत. यामुळे अशा घटना घडतात. तरी आगीत भस्मसात झालेल्या उसाचा 

प्रशासनाने व महावितरण ने ताबडतोब पंचनामा करावा व नुकसान भरपाई मिळावी अशी मागणी रणजीत रामदास बर्गे यांनी केली आहे.