दारू पिऊन पोलिसांची हुज्जत मा. नगरसेवकावर गुन्हा दाखल

फलटण प्रतिनिधी : 

शासकिय कर्तव्य बजावत असताना गणपती विसर्जन मिरवणुक मार्गातील मंडळे यांना मंडळाची वाहने हळु हळु पुढे घेणेकरीता विनंती करीत असताना बाल शिवाजी गणेश उत्सव मंडळ, बुरुडगल्ली, फलटण ता. फलटण या मंडळातील सदस्य माजी नगरसेवक किशोर उर्फ गुड्डु धनराज पवार याने दारु पिलेल्या अवस्थेत येवुन पोलीस अधिकारी व अंमलदार यांचेशी हुज्जत घालत शासकीय कामात अडथळा आणल्याप्रकारणी किशोर उर्फ गुड्डू पवार व धनराज पवार यांच्या वर गुन्हा दाखल करण्यात आला आहे.

या प्रकरणी फलटण शहर पोलिस स्टेशन मधून मिळालेली हकीकत अशी, गणपती विसर्जन मिरवणुक मार्गातील मंडळे यांना मंडळाची वाहने हळु हळु पुढे घेणेकरीता विनंती करीत असताना बाल शिवाजी गणेश उत्सव मंडळ, बुरुडगल्ली, फलटण ता. फलटण या मंडळातील सदस्य किशोर उर्फ गुड्डु धनराज पवार याने दारु पिलेल्या अवस्थेत येवुन मला व माझ्याबरोबर असलेल्या पोलीस अधिकारी व अंमलदार यांचेशी हुज्जत घालुन आमच्या मंडळाचे वाहने पुढे घेणार नाही, कोण मादरचोत गाडी पुढे घेतो तेच बघतो असे म्हणुन आमचेशी व आमचे सोबत असलेल्या पोलीस अधिकारी व अंमलदार यांना शिवीगाळ करुन अंगावर धावुन आला असल्याची फिर्याद नितीन बाबुराव शिंदे, वय 38 वर्षे, व्यवसाय नोकरी, सहाय्यक पोलीस निरीक्षक, नेमणुक- फलटण शहर पोलीस स्टेशन, यांनी दिली आहे.या घटनेचा अधिक तपास हेमंतकुमार शहा, पोलीस निरीक्षक फलटण शहर पोलीस स्टेशन हे करीत आहेत.