एकाच वाहनाचे दोनदा वजन करून श्री दत्त इंडिया साखर कारखान्याची आर्थिक फसवणूक कारखान्याच्या दोन चिटबॉयसह दहा जणांना अटक

फलटण :  चिटबॉय, ऊस तोडणी कंत्राटदार, ट्रॅक्टर चालक यांक श्री दत्त इंडिया कारखान्याचा शेतकरीकोड असणाऱ्या शेतकऱ्यास हाताशी धरून एकाच वाहनाचे दोनदा वजन करून श्री दत्त इंडिया साखर कारखान्याची लाखोंची आर्थिक फसवणूक केल्याप्रकरणी फलटण ग्रामीण पोलिसांनी कारखान्याच्या दोन चिटबॉय व एका महिलेसहित एकूण अकरा जणांवर गुन्हा दाखल केला असून त्यापैकी दहा जणांना फलटण ग्रामीण पोलिसांनी ताब्यात घेतले आहे.

पोलिसांनी अटक केलेल्या संशयतांमध्ये १)सचिन नबाजी कोकरे (वय ३२) वाहन मालक २)राहुल म्हाळसाकांत कोकरे (वय ३४) वाहन मालक ३) जितेंद्र चंद्रकांत भिसे (वय २७) वाहन चालक ४) भाऊसो तात्याबा कोकरे (वय ३५) वाहन चालक ५) पांडुरंग विश्वनाथ सुतार (वय ३५) वाहन चालक ६)

सुरज अशोक धायगुडे (वय २४ वर्षे) वाहन चालक व शेतकरी सर्व रा अंदोरी ता खंडाळा, ७) ज्ञानेश्वर महादेव होळकर (वय ३४) शेतकरी ८) सचिन महादेव होळकर (वय ३८) वाहन मालक सर्व रा रुई ता खंडाळा व ९) दत्तात्रय भिवा भुजबळ (वय ५२) चिटबॉय रा पिंपरे बु ता खंडाळा व सुनील संपत पवार (वय ५२) चिटबॉय रा शेडगेवाडी ता खंडाळा यांना अटक झाली असून १०) अनिता सचिन होळकर (रा रुई ता खंडाळा) वाहन मालक असे गुन्हा दाखल झालेल्या महिलेचे नाव आहे असून अद्याप सदर महिलेस अद्याप अटक करण्यात आली नाही.

याबाबत फलटण ग्रामीण पोलिस ठाण्यातून मिळालेली अधिक माहिती अशी, साखरवाडी कारखान्यामध्ये शेतकऱ्याचा ऊस फडातून तुटून तो कारखान्यात खाली होईपर्यंत शेतक-याला पावती देण्यापर्यंतच्या कामकाजासाठी ऑनलाईन सॉफ्टवेअरने होत असते त्याकरीता कारखान्याने ऊसतोडणी वाहतुक कंत्राटदारांना 'आर.एफ.आय.डी कोड' व शेतक-यांना 'शेतकरी कोड' दिलेले आहेत. संशयित सुरज धायगुडे याने कारखान्याचे चिटबॉय, ट्रॅक्टर वरील वाहन चालक  कारखान्याचा शेतकरी कोड असणारे शेतकरी यांच्याशी संगणमत करून कारखान्यात दि ४ डिसेंबर ते १४ डिसेंबर दरम्यान रात्रीच्या वेळी तीन ट्रॅक्टर नंबर एमएच१११५५५, एमएच११बीए१५६१ व एमएच११सीए२५१४ मधून मूळ शेतकऱ्याचा तोडून आणलेला उसाचे कारखान्याच्या वजन काट्यावर वजन करून तो ऊस गव्हाणी मध्ये खाली न करता परत ऊस वजनाच्या रांगेमध्ये ट्रॅक्टर उभा करून ट्रॅक्टरला असणारा कारखान्याचा 'आर एफ आय डी' कोड बदलून त्याच्यावरील चालक बदलून त्याच ट्रॅक्टरचे शेतकरी कोड असणाऱ्या कंत्राटदारांच्या नावावरती पुन्हा एकदा वजन करून तो ऊस गव्हाणीत खाली करून एकदाच आणलेल्या उसाचे मूळ शेतकरी व तोडणी वाहतूकदार कंत्राटदार  शेतकरी यांच्या नावावरती वजन करून कारखान्याची १०२ टन ऊसाची व त्या पोटी मिळणारी तोडणी वाहतूक अशी एकूण ४ लाख २५ हजार रुपयांची  फसवणूक केल्याची फिर्याद कारखान्याचे केन मॅनेजर सदानंद पाटील यांनी फलटण ग्रामीण पोलिस ठाण्यात दिले आहे.

सदर प्रकरणात अजून कारखान्यामधील कोणा कोणाचा कोणाचा सहभाग आहे? याआधी संशयतांनी अशाप्रकारे कुठल्या कारखान्यावर फसवणुक केली आहे ? याचा कसून तपास होणे आवश्यक आहे 

सदर प्रकरण फक्त काही लाखांचे नसून कोट्यवधीचे असून या प्रकरणाचा तपास निःपक्ष होण्याची आवश्यकता आहे सदर तपासात जिल्हा पोलिस प्रमुख यांनी लक्ष घालण्याची आवश्यकता आहे तदनंतरच सर्व काही निष्पन्न होणार आहे.