जनावरांची कत्तल करुन वाहतुक करणा-या ४ जणांच्या टोळीला दोन वर्षाकरीता केले तडीपार

फलटण प्रतिनीधी :

फलटण तालुक्यात गोवंशीय जनावरांची कत्तल करण्यास, कत्तलीसाठी वाहतुक करणे, कत्तलीसाठी जनावरे एकत्र जमा करणेस मनाई असताना देखील यातील टोळी प्रमुख व टोळी सदस्य हे गोवंशीय जनावरांची कत्तलीसाठी वाहतुक करताना आढळून आल्यामुळे ४ जणांच्या टोळीला दोन वर्षाकरीता केले तडीपार करण्यात आले आहे.

पोलीस अधीक्षक सातारा यांच्या कार्यालयातून मिळालेल्या माहितीनुसार, फलटण ग्रामीण पोलीस ठाण्याच्या हद्दीत सातत्याने गुन्हे करणारे टोळी प्रमुख १) तौफिक इम्तियाज कुरेशी (वय २३ वर्षे) तसेच टोळी सदस्य २) इलाही हुसेन कुरेशी (वय २५ वर्षे) ३) अरबाज इम्तियाज कुरेशी;(वय २८ वर्षे) ४) इनायत हुसेन कुरेशी (वय २७ वर्षे) (सर्व रा. कुरेशीनगर, मंगळवार पेठ, फलटण, जि.सातारा) यांच्या टोळीवर फलटण ग्रामीण पोलीस ठाण्यात महाराष्ट्र राज्यामध्ये महाराष्ट्र प्राणी संरक्षण (सुधारणा) अधिनियम १९९५ व प्राण्यांचा छळ प्रतिबंधक अधिनियम १९६० हे कायदे लागु असताना आणि सदर कायद्यानुसार गोवंशीय जनावरांची कत्तल करण्यास, कत्तलीसाठी वाहतुक करणे, कत्तलीसाठी जनावरे एकत्र जमा करणेस मनाई असताना देखील यातील टोळी प्रमुख व टोळी सदस्य हे गोवंशीय जनावरांची कत्तलीसाठी वाहतुक करताना आढळून आल्यामुळे त्याच्या विरोधात गुन्हे दाखल असल्याने फलटण ग्रामीण पोलीस ठाणेचे प्रभारी अधिकारी सुनिल महाडीक, फलटण ग्रामीण पोलीस ठाणे यांनी सदर टोळीविरुध्द महाराष्ट्र पोलीस कायदा कलम ५५ प्रमाणे पुर्ण सातारा जिल्हा हद्दीतून दोन वर्षे तडीपार करणेबाबतचा प्रस्ताव हद्दपार प्राधिकरण तथा पोलीस अधीक्षक सातारा यांचेकडे सादर केलेला होता. सदर प्रस्तावाची चौकशी राहुल आर धस, उपविभागीय पोलीस अधिकारी, फलटण विभाग फलटण यांनी केली होती.

सदर टोळीतील व्यक्तीवर दाखल असलेल्या गुन्हयांमध्ये त्यांचेवर वेळोवेळी अटक तसेच प्रतिबंधक कारवाई करुनही कोणताही बदल झाला नाही. या टोळीमधील व्यक्ती हे फलटण तसेच परिसरामध्ये सातत्याने गुन्हे करीत होते, त्यांचेवर कायदयाचा कोणताच धाक न राहील्यामुळे फलटण तालुका परिसरातील लोकांना मोठया प्रमाणावर या टोळीचा उपद्रव होत होता, अशा टोळीवर सर्वसामन्य जनतेमधुन कडक कारवाई करणेची मागणी होत होती.

समीर शेख, हद्दपार प्राधिकरण तथा पोलीस अधीक्षक सातारा यांच्या समोर १) तौफिक इम्तियाज कुरेशी (वय २३ वर्षे) तसेच टोळी सदस्य २) इलाही हुसेन कुरेशी (वय २५ वर्षे) ३) अरबाज इम्तियाज कुरेशी;(वय २८ वर्षे) ४) इनायत हुसेन कुरेशी (वय २७ वर्षे) (सर्व रा. कुरेशीनगर, मंगळवार पेठ, फलटण, जि.सातारा) यांची सुनावणी होवुन त्यांनी सदर टोळीस महाराष्ट्र पोलीस कायदा कलम ५५ अन्वये पुर्ण सातारा जिल्हा हद्दीतून दोन वर्षाकरीता हद्दपारीचा आदेश पारीत केला आहे.

नोव्हेंबर २०२२ पासुन मपोकाक ५५ प्रमाणे ३१ उपद्रवी टोळयांमधील १०० व्यक्तींना, मपोकाक ५६ प्रमाणे २८ व्यक्तींना, मपोकाक ५७ प्रमाणे ३ व्यक्तींना असे एकुण १३१ व्यक्तीं विरुध्द तडीपार सारखी कारवाई करण्यात आली असुन एमपीडीए कायदयाअंतर्गत १ इसमावर स्थानबद्धतेची कारवाई करण्यात आली असुन भविष्यातही सातारा जिल्हयामधील सराईत गुन्हेगारांचेविरुध्द हद्दपारी, मोक्का, एमपीडीए अशा प्रकारच्या कडक कारवाया करण्यात येणार आहेत. हद्दपार प्राधिकरणापुढे सरकार पक्षाच्या वतीने श्रीमती वैशाली कडूकर, अपर पोलीस अधीक्षक सातारा यांचे मार्गदर्शनाखाली स्थानिक गुन्हे शाखेचे अरुण देवकर, पोलीस निरीक्षक स्थानिक गुन्हे शाखा सातारा, पो. हवा प्रमोद सावंत, अमित सपकाळ, पो.कॉ. केतन शिंदे, म.पो.कॉ. अनुराधा सणस, फलटण ग्रामीण पोलीस ठाणेचे पोहवा वैभव सूर्यवंशी, पोना श्रीनाथ कदम यांनी योग्य पुरावा सादर केला.