उपोषणकर्ते महेंद्र अहिवळे यांना आरपीआयचा पाठिंबा

लोणंद ता. खंडाळा येथील विकास प्रमोद ननावरे व अमित रामचंद्र मोरे यांनी सावकारी व जमीन लुबाडण्या प्रकरणी लोणंद पोलीस स्टेशन येथे वारंवार गुन्हा दाखल करण्याचा प्रयत्न करून देखील जाणीवपूर्वक उशिरा गुन्हा दाखल करत व योग्य ती कलमे गुन्ह्यामध्ये न लावल्या प्रकरणी महेंद्र लक्ष्मण अहिवळे, सासवड ता. फलटण यांनी दिनांक 23 नोव्हेंबर 2022 पासून फलटण येथील प्रांत कार्यासमोर उपोषण सुरु केले आहे. आज या उपोषणाचा चौथा दिवस आहे. सावकारी आणि अट्रोसिटी चा गुन्हा दाखल करण्यास ४ महिने टाळाटाळ केली आहे. तर पोलीस अधीक्षक साहेब सातारा यांच्याकडे तक्रार केल्यावर गुन्हा दाखल करण्यात आला, त्या मध्ये अनुसूचित जातीच्या लोकांची जमीन हडप केल्याचा गुन्हा असून ही अट्रोसिटी कलम टाकण्यास नकार दिला आहे.         

महेंद्र लक्ष्मण अहिवळे यांच्या उपोषणास रिपब्लिकन पार्टी ऑफ इंडिया (आठवले गट) शहर व तालुका (RPI)यांचे कडून कोअर कमिटी सदस्य मुन्ना शेख यांचे आदेशावरून जाहीर पाठिंबा देण्यात आला. लोणंद पोलीस प्रशासन अहिवळे यांना नाहक त्रास देत आहे याच्या निषेधार्थ अहिवळे यांना प्रांत कार्यालयासमोर बेमुदत उपोषण सुरू केले आहे त्यांना जाहीर पाठींबा देणेसाठी रिपाई चे जिल्हा सरचिटणीस विजय येवले, मुन्ना शेख, फलटण नगरपालिकाचे मा. नगरसेवक व गटनेते अशोकराव जाधव, मा.नगरसेवक सचिन अहिवळे, रिपाईचे तालुकाध्यक्ष सतिश अहिवळे, शहर अध्यक्ष लक्ष्मण अहिवळे, तालुका कार्याध्यक्ष मारूतीराव मोहिते, शहर उपाध्यक्ष तेजस काकडे, अनुजाती जमातीचे भाजपचे बापुराव भोसले आदी मान्यवर यावेळी उपस्थित होते.