45 व्या वाढदिवसानिमित्त बाळासाहेब शिंगाडे यांची 45 किमी धाव पूर्ण; निरोगी जीवनशैलीचा प्रेरणादायी संदेश

फलटण प्रतिनिधी :

फलटण रनर्स फाउंडेशनचे सदस्य तथा गावढवळ येथील शिक्षक श्री. बाळासाहेब शिंगाडे यांनी आपल्या 45 व्या वाढदिवसानिमित्त एक अनोखा आणि प्रेरणादायी उपक्रम राबवत तब्बल 45 किलोमीटर धाव पूर्ण केली.

10 जून 2026 रोजी पहाटे 3 वाजता विंचुर्णी फाटा, बिरदेव नगर येथून त्यांनी धावण्यास सुरुवात केली. सकाळी 8 वाजेपर्यंत त्यांनी 45 किलोमीटरचे अंतर यशस्वीरीत्या पूर्ण करून आपल्या वाढदिवसाचे आगळ्यावेगळ्या पद्धतीने सेलिब्रेशन केले.

या विशेष धाव मोहिमेदरम्यान  शिंगाडे यांनी सहभागी धावपटूंसाठी हायड्रेशन आणि अल्पोपहाराची उत्तम व्यवस्था केली होती. त्यांच्या या उपक्रमात डॉ. प्रसाद जोशी, फलटण रनर्स फाउंडेशनचे अध्यक्ष डॉ. रविंद्र शिंदे, डॉ. महेश शिंदे, अनुजा त्रिपुटे मॅडम, फलटण रनर्स फाउंडेशनचे सर्व सदस्य तसेच सेलिब्रेट लाईफ ग्रुपचे सदस्य उत्स्फूर्तपणे सहभागी झाले. सर्वांनी त्यांच्यासोबत धावत त्यांना वाढदिवसाच्या शुभेच्छा दिल्या.

बाळासाहेब शिंगाडे यांच्या फिटनेसप्रेमी आणि प्रेरणादायी उपक्रमाचे सर्व स्तरांतून कौतुक होत असून, निरोगी जीवनशैलीचा संदेश देणारा हा उपक्रम अनेकांसाठी प्रेरणादायी ठरत आहे.