ज्येष्ठ सामाजिक कार्यकर्ते नंदकुमार मोरे यांचे निधन; शरद पवारांचे निष्ठावंत सहकारी काळाच्या पडद्याआड

फलटण | प्रतिनिधी :

ज्येष्ठ सामाजिक कार्यकर्ते तथा राष्ट्रवादी काँग्रेस (शरद पवार) पक्षाचे निष्ठावंत कार्यकर्ते नंदकुमार मोरे यांचे निधन झाल्याची दुःखद वार्ता समोर आली आहे. त्यांच्या निधनाने सामाजिक, राजकीय आणि मित्रपरिवारात शोककळा पसरली आहे.

नंदकुमार मोरे हे राष्ट्रवादी काँग्रेस (शरद पवार) पक्षाचे ज्येष्ठ नेते शरद पवार यांचे निकटवर्तीय म्हणून परिचित होते. समाजकारणाबरोबरच पक्षसंघटनेत त्यांनी निष्ठेने काम केले. विविध सामाजिक प्रश्नांवर त्यांनी सातत्याने भूमिका मांडत जनसंपर्क जपला.

सोशल मीडियाच्या माध्यमातूनही त्यांनी आपली वेगळी छाप पाडली होती. विशेषतः व्हॉट्सअॅपवरील त्यांच्या प्रभावी, अभ्यासपूर्ण आणि परखड लेखनामुळे त्यांना मोठा वाचकवर्ग लाभला होता. त्यांच्या लेखणीने अनेक सामाजिक व राजकीय विषयांवर जनजागृती घडवून आणली.

त्यांच्या निधनाची बातमी समजताच सोशल मीडियावर शोकसंदेशांचा वर्षाव सुरू झाला आहे. अनेकांनी आपल्या व्हॉट्सअॅप स्टेटसवर नंदकुमार मोरे यांना श्रद्धांजली अर्पण करत त्यांच्या कार्याचा गौरव केला आहे. त्यांच्या जाण्याने समाजाभिमुख विचारांचा आणि प्रभावी लेखणीचा एक संवेदनशील आवाज हरपल्याची भावना व्यक्त होत आहे.

भावपूर्ण श्रद्धांजली! ????