तलवार हल्ल्यात दोघे गंभीर - आरोपी अटकेत

फलटण प्रतिनीधी : मौजे बरड तालुका फलटण येथे तिघांवर लोखंडी तलवारीने वार करून मारहाण करुन शिवीगाळ करुन जखमी करणाऱ्या तिघांपैकी दोघांना अटक करण्यात फलटण ग्रामीण पोलिस यांना यश आले असून तलवारीने मारहाण करुन खुनाचा प्रयत्न करणा-या दोघांना अटक करण्यात आली असून अधिक तपास सुरू आहे.

फलटण ग्रामीण पोलिस ठाण्यातून मिळालेल्या माहितीनुसार, दिनांक १३/११/२०२४ रोजी सायंकाळी ७ वाजण्याच्या सुमारास मौजे बरड ता. फलटण गावचे हददीत पालखी तळाचे मैदानावर फिर्यादी सुरज लोंढे व त्याचा चुलत भाऊ कार्तिक लोंढे व त्यांचा मित्र प्रथमेश बागाव हे व्यायाम करुन घरी जात असतांना कुणाल मदने, सौरभ लोंढे, पांडा मसुगडे यांनी "तुम्हाला लय मस्ती आली आहे का आमच्याकडे काय बघताय" असे म्हणुन लोखंडी तलवारीने वार करून मारहाण करुन शिवीगाळ करुन जखमी केल्या प्रकरणी फलटण ग्रामीण पोलिस ठाण्यात दि.१४/११/२०२४ रोजी गुन्हा दाखल करण्यात आला होता.

या गुन्ह्यातील आरोपी हे गुन्हा केल्यानंतर फरारी झाले होते. फलटण ग्रामीण पोलिस ठाणे बरड दूरक्षेत्र याठिकाणी सदर गुन्हयातील आरोपी यांना तात्काळ अटक व्हावी याकरीता जमाव जमला होता. सदर आरोपी यांना तात्काळ अटक करणेबाबत फलटण उपविभागीय पोलिस अधिकारी राहुल धस यांनी आदेशित केले होते. त्याप्रमाणे ग्रामीण पोलिस निरिक्षक सुनिल महाडिक यांनी आरोपीत यांना शोध घेणेकामी डीबी पथकाचे पोउनि गोपाल बदने व बरड दुरक्षेत्राचे सपोनि शिवाजी जायपत्रे यांची दोन पथके तयार करण्यात आली होती. 

सदर आरोपींचे बाबत पोऊनि बदने यांना गोपनिय बातमी मिळाल्याने सदर गुन्हयातील संशयित आरोपी १ . कुणाल बंडु मदने २. सौरभ राजेंद्र लोंढे (दोन्ही रा. बरड ता. फलटण) यांना दुधेबावी ता. फलटण गावचे हददीतील डोंगरातून ताब्यात घेवून अटक करण्यात आली. गुन्ह्यातील फिर्यादी यांनी झाले भांडणाचे कारण स्पष्टपणे नमूद केले नव्हते. गुन्हयातील संशयित आरोपी यांना अटक केल्यानंतर त्यांनी यातील फिर्यादी व त्याच्या मित्रांनी चार पाच दिवसापूर्वी मारहाण केली होती त्याचा राग मनात धरून सदर संशयित आरोपी यांनी फिर्यादी यांना तलवारीने मारहाण करून जीवे मारण्याचा प्रयत्न केला होता.

सदरची कामगीरी पोलिस अधीक्षक समीर शेख सोो, अपर पोलिस अधीक्षक वैशाली कडुकर सोो, उपविभागीय पोलिस अधिकारी फलटण राहूल धस यांच्या मार्गदर्शनाखाली पोलिस निरीक्षक सुनिल महाडीक डीबी पथकाचे पोउनि गोपाल बदने , सपोनि शिवाजी जायपत्रे , पोलीस हवा. नितिन चतुरे, पोहवा. सचिन भोसले, पोना. अमोल जगदाळे, श्रीनाथ कदम, दत्ता नाळे, पोकॉ. हनुमंत दडस, सपोफौ. संतोष मठपती, पोना. सागर अभंग, यांनी कारवाई केली. सदर गुन्हयाचा तपास उपविभागीय पोलिस अधिकारी फलटण राहूल धस हे करीत आहेत.