गुंगीचा पदार्थ खाण्यास देऊन बसमधील महिलेचे दागिने केले लंपास

फलटण प्रतिनीधी:- एसटी बस मध्ये गुंगुंगीचे डीचे पदार्थ खायला देऊन महिलेचे सुमारे १ लाख रुपयाचे दागिने लंपास केल्या प्रकरणी अज्ञात चोरट्याच्या विरोधात शहर पोलिस ठाण्यात गुन्हा दाखल करण्यात आला आहे.

फलटण शहर पोलिस ठाण्यातून मिळालेल्या माहितीनुसार, औरंगाबाद ते सांगली जाणार्‍या एसटी बसमधून प्रवास करताना सौ. उषा मदन बागवडे (वय ४७, रा. बुध, ता. खटाव) यांना गुंगीचा पदार्थ खाण्यास देऊन चोरट्याने त्यांच्या गळ्यातील सोन्याचे मनीमंगळसूत्र व बोटातील अंगठी लंपास केल्याची घटना घडली आहे. उषा बागवडे या फलटण बसस्थानकात उतरल्यानंतर त्यांना आपल्या अंगावरील सोन्याचे दागिने चोरी झाल्याचे समजले. यानंतर या चोरी प्रकरणी सौ. उषा बागवडे यांनी फलटण शहर पोलिस ठाण्यात अज्ञात चोरट्या विरोधात गुन्हा दाखल केला असून चोरट्याने सुमारे ९० हजार रुपये किमतीचे २१ ग्रॅम वजनाचे त्यांचे मनीमंगळसूत्र व १२ हजार रुपये किमतीची चार ग्रॅम वजनाची लाल खडा असलेली सोन्याची अंगठी असे एकूण १ लाख २ हजार रुपयांचे दागिने लंपास केले आहेत. याप्रकरणी ग्रामीण पोलिस ठाण्यात गुन्हा दाखल करण्यात आला असून अधिक तपास सहा. फौजदार अनिल भोसले करत आहेत.