श्री जितोबा विद्यालय जिंती येथे माजी विद्यार्थी संघटना स्थापन

फलटण प्रतिनिधी -

श्री जितोबा विद्यालय जिंती येथे माजी विद्यार्थी संघटना स्थापन करण्यात आली असून अध्यक्ष पदी अनिल मच्छिंद्र भोईटे व उपाध्यक्ष पदी सौ.अनिता दत्तात्रय पवार (पूर्वीचे नाव अनिता गणपत रणवरे),तसेच सचिव पदी सौ.माधुरी ज्ञानेश्वर जाधव मुख्याध्यापिका तथा पदसिद्ध सचिव ,तसेच खजिनदार पदी नंदू शेठ नामदेव शेगर यांची निवड करण्यात आली आहे.

यावेळी पदभार स्वीकारताना अनिल भोईटे यांनी आपले मनोगत व्यक्त करताना सांगितले की माजी विद्यार्थी संघटना स्थापन करण्याचा मुख्य उद्देश शाळा आणि तिच्या माजी विद्यार्थ्यांमधील नाते पुन्हा मजबूत करून शालेय विकासाला गती देणे हा आहे असे मत नवनियुक्त अध्यक्ष अनिल भोईटे यांनी व्यक्त केला.

महाराष्ट्र शासनाने १ ऑक्टोबर २०२५ च्या परिपत्रकानुसार राज्यातील सर्व प्राथमिक, माध्यमिक, उच्च माध्यमिक व खासगी शाळांमध्ये माजी विद्यार्थी संघ सक्तीने स्थापन करण्याचा आदेश दिला आहे,शासनाने नमूद केलेले प्रमुख उद्देश शालेय दर्जा उंचावणे, समाजातील सर्व घटकांचा सहभाग वाढवून शाळेचा/विद्यालयाचा दर्जा उंचावणे शैक्षणिक विकासात सहभाग, माजी विद्यार्थ्यांना शाळेच्या शैक्षणिक विकासात थेट सहभागी करून घेणे, ग्रामीण व शहरी भागात शिक्षणाचा दर्जा समान रीतीने उंचावण्यास मदत करणे, माजी विद्यार्थ्यांचे शाळेशी असणारे ऋणानुबंध दृढ करणे,माजी विद्यार्थ्यांनी मिळवलेल्या यशापासून सध्याच्या विद्यार्थ्यांना प्रेरणा मिळावी माजी विद्यार्थ्यांचे आपल्या गावाशी,मातीशी संबंध दृढ करणे शिक्षणाचा दर्जा उंचावणे, शाळांची गुणवत्ता सुधारणा व विद्यार्थ्यांना मार्गदर्शन मिळावे 

यासाठी असून श्री जितोबा विद्यालय जिंती आपल्या भागातील तथा पंचक्रोशीतील विद्यार्थ्यांना एका मंदिराप्रमाणे असून शाळेला पुन्हा गतवैभव प्राप्त करून देण्यासाठी आम्ही नक्कीच कटिबद्ध राहू असे आश्वासन दिले.

यावेळी शाळेला आवश्यक सुविधा उपलब्ध करून“शाळेतून घडून बाहेर पडलेले विद्यार्थी पुन्हा शाळेकडे वळोत, तिच्या प्रगतीत हातभार लावोत आणि आजच्या विद्यार्थ्यांना प्रेरणा मिळावी” यासाठी जिंती सह पंचक्रोशीतील अनेक विद्यार्थी यासाठी तण मन धनाने मदत करतील असा विश्वास व्यक्त केला.

रयत शिक्षण संस्थेचे श्री जितोबा विद्यालय जिंती येथे नुकतीच माजी विद्यार्थी संघाची स्थापना करण्यात आली, रयत शिक्षण संस्थेचे श्री जितोबा विद्यालय जिंती ता. फलटण जि.सातारा येथे रयत शिक्षण संस्थेच्या व शासनाच्या ध्येय धोरणानुसार माजी विद्यार्थी संघाची स्थापना करण्यात आली. यावेळी स्कूल कमिटी सदस्य राजेंद्र रणवरे, प्रकाश रणवरे, महादेवराव रणवरे यांची प्रमुख उपस्थिती होती. 

श्री जितोबा विद्यालय माजी विद्यार्थी संघाचे अध्यक्ष म्हणून अनिल भोईटे उपाध्यक्ष म्हणून अनिता रणवरे सचिव म्हणून सौ. माधुरी जाधव खजिनदार नंदकुमार शेगर तर सदस्य म्हणून ताराचंद्र आवळे, शरदराव रणवरे यशवंत खलाटे पाटील ,नंदकुमार भोसले सारिका खलाटे(घाडगे),विजय मोरे, ज्योती पवार(दिवेकर),सुनिता शिंदे(बाबर) रोहिणी जाधव(अहिरेकर)दिपा गुजर(चव्हाण) रवींद्र गिरी, राणी उर्फ वैशाली रणवरे(बळे) अलका रणवरे(कारंडे),अनिकेत रणवरे, नवनाथ रणवरे, नंदकुमार रणवरे, नितीन रणवरे, यांची सर्वानुमते निवड करण्यात आली. यावेळी कर्मवीर भाऊराव पाटील व सौ. लक्ष्मीबाई पाटील यांच्या प्रतिमेस पुष्पहार अर्पण, दीप प्रज्वलन, वडाच्या रोपाचे पूजन व पाणी घालून मेळाव्यास सुरुवात झाली. 

ज्येष्ठ शिक्षक ताराचंद्र आवळे यांनी प्रास्ताविक व कार्यक्रमाचे सूत्रसंचालन केले तर आभार मुख्याध्यापिका सौ. माधुरी जाधव यांनी मानले. यावेळी माजी विद्यार्थी मोठ्या संख्येने उपस्थित होते. कार्यक्रम यशस्वी करण्यासाठी विद्या जमदाडे, अंकुश सोळंकी, शाहीन हन्नुरे,अमोल जाधव,अर्चना सोनवलकर,मधुकर जगताप,घाडगे,यांनी प्रयत्न केले.