मुधोजी महाविद्यालयात वन्यजीव सप्ताह उत्साहात साजरा

फलटण एज्युकेशन सोसायटी संचलीत मुधोजी महाविद्यालय, फलटण मधील प्राणीशास्त्र विभागाने १ ते ७ ऑक्टोबर २०२२ या कालावधीमधे वन्यजीव सप्ताहाचे आयोजन केले होते.

निसर्ग आणि वन्यजीव म्हणजे एकाच नाण्याच्या दोन बाजू आहेत, अधिवासाचे संकुचन, विखंडन आणि ऱ्हासाचा परिणाम म्हणजे वाढता मनुष्य-प्राणी संघर्ष आहे, यामुळे वन्यजीवांचा नाश होऊन वन्य प्राणी आणि संरक्षित क्षेत्राविषयी वैर निर्माण झाले आहे. हे असे का झाले, याबाबत विद्यार्थ्यांमध्ये जागरूकता निर्माण व्हावी, या हेतूने वन्यजीव सप्ताहाचे आयोजन करण्यात आले होते. 

वन्यजीव सप्ताहाचे उद्घाटन सातारा जिल्ह्याचे मानद वन्यजीव रक्षक श्री सुनिल भोईटे व महाविद्यालयाचे प्राचार्य डॉ. पी. एच. कदम यांच्या हस्ते पार पडले. सदर कार्यक्रमास विज्ञान शाखा प्रमुख डॉ. बी. एस. कांबळे, प्राणीशास्त्र विभाग प्रमुख, प्रा. बी .ई.  गिर्‍हे आणि वन्य जीव सप्ताह कार्यक्रमाच्या समन्वयक प्रा. सौ. आर. सी. भोसले यांची उपस्थिती होती. उद्घाटन कार्यक्रमानंतर प्रमुख पाहूणे श्री. सुनिल भोईटे यांचे मानव व वन्यजीव संघर्ष या विषयावरती व्याख्यान पार पडले. या मधे -हास होत चाललेला प्राण्यांचा अधिवास, वाढते शहरीकरण आणि लोकसंख्या याचा निसर्गावर होणारा वाईट परिणाम याबाबत सखोल मार्गदर्शन केले.

दिनांक  २ ऑक्टोबर रोजी रांगोळी स्पर्धेचे आयोजन करण्यात आले होते. आयोजीत रांगोळी स्पर्धेमधे २९ विद्यार्थ्यांनी सहभाग दर्शविला.रांगोळी स्पर्धेचे  उद्घाटन फलटणचे वनक्षेत्रपाल श्री. सचिन रगतवान  आणि त्यांच्या सहकाऱ्यांच्या हस्ते करण्यात आले.  श्री. रगतवान म्हणाले, निसर्ग आणि वन्यजीव संरक्षण आणि संवर्धनामध्ये मानवाची महत्त्वपूर्ण भुमिका आहे. 
त्यामुळे समाजामध्ये निसर्ग आणि वन्यजीवां प्रती जागरुकता असणे गरजेचे आहे.
दि.३ ऑक्टोबर रोजी झालेल्या वक्तृत्व स्पर्धेमधे निसर्ग आणि वन्यजीव या विषयावर आधारित १४ विद्यार्थ्यांनी वक्तृत्व केले. 

निबंध स्पर्धेचे आयोजन ४ ऑक्टोबर रोजी केले होते यामधे ८२  विद्यार्थ्यांनी सहभाग नोंदवला. दि. ५ ऑक्टोबर रोजी ऑनलाइन पद्धतीने गुगल फॉर्म वरती प्रश्नमंजुषेचे आयोजन करण्यात आले होते. सदर प्रश्नमंजुषेमध्ये १८१ विद्यार्थ्यांनी सहभाग घेतला. छायाचित्रण स्पर्धा, चित्रकला स्पर्धा आणि वर्तमानपत्र कात्रण स्पर्धा यांचे आयोजन दि. ६ ऑक्टोबर रोजी केले होते या मध्ये अनुक्रमे २६, २४ आणि १५ विद्यार्थ्यानी सहभाग नोंदविला. 

दि. ७ ऑक्टोबर रोजी वन्यजीव सप्ताहाच्या समारोप समारंभ आणि बक्षीस वितरण 'कार्यक्रमाचे आयोजन करण्यात आले. या कार्यक्रमास प्रमुख पाहूणे म्हणून प्राचार्य विश्वासराव देशमुख   ( उपाध्यक्ष, फलटण एज्युकेशन सोसायटी)  तसेच जेष्ठ पत्रकार प्रा. रमेश आढाव उपस्थित होते. त्याचबरोबर डॉ. पी. एच. कदम,  उपप्राचार्य  डॉ.एस. जी.दिक्षीत, विज्ञान शाखाप्रमुख डॉ. बी.एस . कांबळे, प्राणीशास्त्र विभागप्रमुख   प्रा. बी .ई.  गिर्‍हे  कार्यक्रमाच्या समन्वयक प्रा. सौ. आर. सी. भोसले यांचीही उपस्थिती होती. मान्यवरांच्या हस्ते विजेत्या विद्यार्थ्यांना पारितोषिक देवून त्यांचा गौरव करण्यात आला.  प्राणीशास्त्र विभागातील सहकारी प्राध्यापक, प्राध्यापिका उपस्थित होते.