तीन जणांना मारहाण केल्या प्रकरणी सात जणांच्या विरोधात फलटण शहर पोलिस ठाण्यात गुन्हा दाखल

फलटण प्रतिनिधी:- गाडी आडवी मारून तीन जणांना मारहाण केल्या प्रकरणी सात जणांच्या विरोधात फलटण शहर पोलिस ठाण्यात गुन्हा दाखल करण्यात आला आहे.

फलटण शहर पोलिस ठाण्यातून मिळालेल्या माहितीनुसार, दि.१२ रोजी रात्री ९:१५ वाजण्याच्या सुमारास आंबेडकर चौकाचे पुढे फळमार्केट फलटण येथील किर्ती शु पँलेसचे समोर फिर्यादी अक्षय बाळासाहेब चोरमले (रा.धनगरवाडा गजानन चौक फलटण ता.फलटण जि.सातारा) व अनिकेत राजेंद्र चोरमले, रणजित सुभाष ठोंबरे व गणेश रमेश चोरमले असे सर्वजण मोटरसायलवरून फळमार्केट येथे फळे आणणेसाठी जात असताना समोरुन नोहेल तांदळे याने त्यांचे ताब्यातील मोटारसायकल गणेश चोरमले याचे मोटारसायकलीस आडवी मारुन अंगावर धावुन जावुन तुला भांडणे करायची आहेत का असे म्हणुन शिवीगाळ दमदाटी केली व त्याचे मोबाईल फोनवरुन फोन करुन हर्षद रोहीदास नलवडे,आदित्य विठ्ठल गुंजाळ,रुपेश जाधव (पुर्ण नाव माहीत नाही) व इतर तीन जण (सर्व रा.मच्छिमार्केट फलटण ता.फलटण) यांना बोलावुन घेतले त्यातील हर्षद रोहीदास नलवडे याने फायटरने अनिकेत राजेंद्र चोरमले याचे डोकीत पाठीमागील बाजुस मारले त्यावेळी त्याचे डोकीतुन रक्त येवु लागल्याने तो खाली पडला तसेच नोहेल शहाजी तांदळे,आदित्य विठ्ठल गुंजाळ,हर्षल नलवडे ,रुपेश जाधव तसेच इतर तीन अनोळखी व्यक्ती यांनी लाथाबुक्यांनी अनिकेतच्या पोटात छातीवर मारले.गणेश चोरमले यास नोहेल शहाजी तांदळे व इतर तीन अनोळखी व्यक्ती यांनी हाताने लाथाबुक्क्यांनी मारहाण करुन जखमी केले यावेळी अनिकेतला मारहाण चालु होती त्यावेळी सोडवत असताना फिर्यादी यास देखील पाठीमागुन कोणीतरी मारहाण केली आहे. याप्रकरणी 1)नोहेल शहाजी तांदळे 2)आदित्य विठ्ठल गुंजाळ 3)हर्षद रोहीदास नलवडे 4)रुपेश जाधव तसेच इतर तीन अनोळखी व्यक्ती सर्व (रा.मच्छिमार्केट फलटण ता.फलटण जि.सातारा) यांचे विरुद्ध फलटण शहर पोलिस ठाण्यात गुन्हा दाखल करण्यात आला असून अधिक तपास म.पो.ना बोबडे करत आहेत.