माजी नगरसेवक सुनील मठपती भाजपा मध्ये दाखल : माजी खासदार रणजीतसिंह नाईक निंबाळकर यांनी केले स्वागत

फलटण प्रतिनिधी :

फलटण नगरपरिषदेच्या आगामी निवडणुकीची रणधुमाळी जोर धरत असताना राजकीय समीकरणे झपाट्याने बदलत आहेत. या पार्श्वभूमीवर फलटण शहरातील प्रभावी नेतृत्व व माजी नगरसेवक सुनील मठपती यांनी भारतीय जनता पक्षात अधिकृत प्रवेश करून भाजपची ताकद आणखी वाढवली आहे.

हा प्रवेश माजी खासदार रणजीतसिंह नाईक निंबाळकर यांच्या प्रमुख उपस्थितीत पार पडला.यावेळी सुनील मठपती यांच्या निर्णयाचे स्वागत केले.

“विकास हेच राजकारण आणि फलटणचा सर्वांगीण बदल हा माझा उद्देश आहे.”

अशा शब्दांत मठपती यांनी पक्ष प्रवेशानंतर आपली भूमिका स्पष्ट केली.

दरम्यान, भाजपचा जनाधार फलटणमध्ये दिवसेंदिवस वाढत असून सुनील मठपती यांच्या प्रवेशामुळे पक्षाला संघटनात्मक बळ मिळेल, असे मत राजकीय वर्तुळात व्यक्त होत आहे.

माजी खासदार रणजीतसिंह नाईक निंबाळकर यांनीही मठपतींचे स्वागत करताना सांगितले की, “फलटणच्या विकासासाठी सक्षम नेतृत्व एकत्र येत आहे. मठपतींसारख्या अनुभवी नेत्याच्या सहभागामुळे पक्षाची ताकद आणखी वाढणार आहे.”

फलटण नगरपरिषद निवडणूक जवळ आल्यानंतर भाजपमध्ये होत असलेले प्रवेश पाहता, आगामी निवडणुकीत मोठी राजकीय उलथापालथ होण्याची शक्यता मतदारसंघात चर्चेत आहे.