सातारा शहर पोलिसांकडून तडीपार गुंड अटक

सातारा : सातारा शहरातून दोन वर्षासाठी तडीपार करण्यात आलेला गुंड विकास मुरलीधर मुळे (वय 20 वर्षे) रा. पॉवर हाऊस झोपडपट्टी याला सातारा शहर पोलिसांनी अटक केली. हद्दपारीच्या आदेशाचा भंग केल्याप्रकरणी ही कारवाई करण्यात आली.
याबाबत पोलिसांनी दिलेली माहिती अशी, सोमवार दि.१५ रोजी गुंड विकास मुळे हा तडीपारीचा आदेश असताना सातारा शहरात आल्याची गोपनीय माहिती सातारा शहर पोलिसांना मिळाली होती. पोलीस अधीक्षक अजयकुमार बन्सल, सहाय्यक पोलीस अधीक्षक आँचल दलाल व वरिष्ठ पोलीस निरीक्षक भगवान निंबाळकर यांच्या सूचनेप्रमाणे गुन्हे प्रकटीकरण शाखेचे पोलीस उपनिरीक्षक समीर कदम, हवालदार अविनाश चव्हाण, सुजित भोसले, अभय साबळे, सागर गायकवाड, धुमाळ व कचरे यांच्या पथकाने मुळे याला अटक केली. न्यायालयाच्या आदेशाप्रमाणे त्याची रवानगी तुरूंगात करण्यात आली आहे.
आमीर इम्तियाज मुजावर रा. पिरवाडी, आमीर सलीम शेख रा. वनवासवाडी, प्रल्हाद रमेश पवार रा. केसरकर पेठ, जीवन शहाजी रावते, अभिजीत अशोक भिसे, दोघे रा. दत्तनगर, कोडोली, जगदीश रामेश्वर मते रा. रांगोळे कॉलनी, शाहुपुरी, सौरभ संजय जाधव, अभिजित राजू भिसे दोघे रा. मोळाचा ओढा, आकाश हणमंत पवार रा. सैदापूर या गुंडांना सातारा शहरातून तडीपार करण्यात आले आहे. तडीपार गुंड कोणाला दिसून आल्यास शहर पोलिसांशी संपर्क साधण्याचे आवाहन पोलीस निरिक्षक भगवान निंबाळकर यांनी केले आहे.