माजी नगराध्यक्ष दिलीपसिंह भोसले यांच्या वाढदिवसाच्या निमित्त विविध कार्यक्रमाचे आयोजन : रणजितसिंह भोसले

फलटण प्रतिनिधी : 

श्री सद्‌गुरु व महाराजा उ‌द्योग समूहाचे संस्थापक अध्यक्ष माजी नगराध्यक्ष दिलीपसिंह भोसले यांच्या अमृत महोत्सवी वाढदिवसानिमित्त मंगळवार दिनांक १४ ऑक्टोंबर रोजी विविध सामाजिक व सांस्कृतिक कार्यक्रमाचे आयोजन करण्यात आल्याची माहिती महाराजा मल्टीस्टेट को. ऑप. क्रेडीट सोसायटीचे व्हा. चेअरमन रणजितसिंह भोसले रणजितसिंह भोसले यांनी पत्रकार परिषदेत दिली. 

शनिवार दि. ११ ऑक्टोंबर ते १४ ऑक्टोबर या चार दिवसीय राज्यस्तरीय भजन महोत्सव स्पर्धेचे आयोजन करण्यात आले असून या स्पर्धेमध्ये महिला भजनी मंडळ, बाल भजनी मंडळ, पुरुष भजनी मंडळ सहभागी असणार आहेत. विजेत्या भजनी मंडळास रोख रक्कम स्मृतिचिन्ह देऊन मान्यवरांच्या हस्ते सन्मानित करण्यात येणार आहे. या स्पर्धेसाठी वारकरी संघटनेचे विशेष सहकार्य लाभणार आहे. या स्पर्धा महाराजा मंगल कार्यालयात सकाळी ७.३० ते सायं. ७.०० या वेळेत संपन्न होणार आहेत.

१४ ऑक्टोंबर रोजी महाराजा मंगल कार्यालयात भव्य रक्तदान शिबिराचे आयोजन करण्यात आले आहे. रक्तदात्यास आकर्षक भेटवस्तू देण्यात येणार आहेत. तसेच वडजल (ता. फलटण) चे ग्रामस्थांसाठी वॉटर एटीएम मशीन उपलब्ध करून ग्रामपंचायतीकडे वर्ग करणेत येणार असून वडजल येथे वृक्षारोपण कार्यक्रमाचे आयोजन करणेत आलेले आहे सदर कार्यक्रम सायं. ६.३० वाजता संपन्न होणार आहे.

१४ ऑक्टोंबर रोजी सकाळी ९ ते दु. २ वाजेपर्यंत 'जिजाई' बंगला लक्ष्मीनगर फलटण येथे शुभेच्छा स्विकारणेत येणार आहेत. तसेच सद्‌गुरु व महाराजा उ‌द्योग समूहातील सभासदांना लाभांश वाटप व कर्मचाऱ्यांना दिवाळी बोनस व बक्षीस वाटप करण्यात येणार आहे, या कार्यक्रमास फलटणकरांनी उपस्थित रहावे असे आवाहन श्री सद्‌गुरु हरिबुवा महाराज पतसंस्थेचे चेअरमन तेजसिंह भोसले व महाराजा मल्टीस्टेट को. ऑप. क्रेडीट सोसायटीचे व्हा. चेअरमन रणजितसिंह भोसले यांनी केलेले आहे.