पोल्ट्रीच्या नावाखाली कत्तलखाना : दोघांच्या विरोधात गुन्हा दाखल

मौजे मिरगाव (ता. फलटण ) येथे एका कत्तलखाण्यात पोलिसांनी टाकलेल्या धाडीत एकुण 42 जिवंत जर्शी गायीची वासरे व कत्तल केलेल्या 30 जर्शी गायीची वासरांचे मांस, पायाचे खोर, डोके, काढुन टाकलेली कातडी आढळून आली असून यावेळी एकुण 6 लाख 16 हजार रुपये किंमतीची मुद्देमाल जप्त करत दोन जणांच्या विरोधात ग्रामीण पोलिस ठाण्यात गुन्हा दाखल करण्यात आला आहे.

फलटण ग्रामीण पोलिस ठाण्यातून मिळालेल्या माहितीनुसार, फलटण ग्रामीण पोलिसांना मिरगाव ता. फलटण येथे गायीची वासरे कत्तल करणेसाठी आणलेली आहेत अशी माहिती मिळाली असता मौजे मिरगाव ता. फलटण गावचे हद्दीतील वेताळबाबा मंदीरा शेजारी असणारे पोल्ट्री येथे पोलिसांनी धाड टाकली असता पोल्ट्रीमध्ये असणारे लोकांना पोलिसांची चाहुल लागताचा ते अंधाराचा फायदा घेवुन पळुन गेले. पोल्ट्रीमध्ये पोलीसांनी पाहीले असता अंदाजे 2 दिवस ते 40 दिवस या वयोगटातील एकुण 42 काळ्या, पांढऱ्या, तांबड्या रंगाची जर्शी गायीची वासरे कत्तल करण्यासाठीं आणलेली पोलिसांना आढळून आली आली तसेच अंदाजे 30 जर्शी गायीची वासरे कत्तल केलेल्या वासरांचे मांस, पायाचे खोर, डोके, काढुन टाकलेली कातडी तसेच पोल्ट्रीमध्ये सर्वत्र रक्त, पाणी पडलेले दिसत होते.

तसेच जणावरे कापण्यासाठी हत्यारे दिसत होती व पोल्ट्रीच्या बाहेर पाहीले असता एक पांढऱ्या रंगाचा पिक अप क्र-MH 04 AL 8155 हि गाडी उभी होती. गाडीची पहाणी केली असता आतमध्ये वासरांची कत्तल केलेले मांस व मुंडकी दिसुन आली. हि गाडी ताब्यात घेतली व मा.पशु वैद्यकीय अधीकारी डॉ फाळके यांचे कडुन मांसाची व कत्तल केलेल्या वासरांची तपासणी करुन घेतली. सदर पोल्ट्री ही कोणाच्या मालकी आहे याबाबत विचारपुस केली असता सदर पोल्ट्री ही सोपान शंकर सुळ (रा. मिरगाव ता. फलटण) यांचे मालकीची असल्याचे पोलिसांना समजले. 

पोल्ट्री मालक सोपान सुळ यांना ताब्यात घेवुन चौकशी केली असता पोल्ट्री ही शब्बीर शेख (पुर्ण नाव माहीत नाही) (रा. फलटण ता. फलटण) यांना भाडेतत्वावर वापरणेसाठी दिलेली आहे असे सांगीतले. सदर ठिकाणी जप्त करण्यात आलेल्या मुद्देमालात 4 लाख रुपये किंमतीची एक पांढऱ्या रंगाचा पिक अप (क्र-MH 04 AL 8155) तसेच 1 लाख 26 हजार रुपये किंमतीची अंदाजे 2 दिवस ते 40 दिवस या वयोगटतील एकुण 42 काळ्या, पाढऱ्या, तांबड्या रंगाची जर्शी गायीची वासरे, 90 हजार रुपये किंमतीची अंदाजे 30 जर्शी गायीची वासरे कत्तलकेलेल्या वासरांचे मांस, पायाचे खोर, डोके, काढुन टाकलेली कातडी असा एकुण 6 लाख 16 हजार रुपये किंमतीची मुद्देमाल जप्त करण्यात आला. याप्रकरणी शब्बीर शेख (पुर्ण नाव माहीत नाही) व सोपान शंकर सुळ यांच्या विरोधात ग्रामीण पोलिस ठाण्यात गुन्हा दाखल करण्यात आला आहे.