गुन्ह्यातील फरार आरोपी जेरबंद - फलटण पोलिसांची कामगिरी

फलटण प्रतिनीधी:- फलटण शहर पोलीस स्टेशन येथे सुमारे ६ दिवसापूर्वी घडलेल्या खुनाच्या गुन्हयातील फरारी आरोपीस फलटण ग्रामीण पोलीसांनी शिताफीने पकडले.

फलटण ग्रामीण पोलीस ठाण्यातून मिळालेल्या माहितीनुसार, फलटण ग्रामीण पोलीस ठाणे हद्दीमध्ये दिनांक १९ रोजी विडणी ता. फलटण गावाच्या हद्दीत निरा उजवा कॅनॉल मध्ये अनोळखी व्यक्तीचा मृतदेह आढळून आला होता. तपासामध्ये सदरचा मृतदेह हा फलटण शहर पोलीस स्टेशन हद्दीतील अजित बुरुगले याचे असल्याचे निष्पन्न झाले. त्याप्रमाणे अनोळखी आरोपी विरुध्द गुन्हा दाखल करण्यात आलेला होता, तपासामध्ये सदरचा गुन्हा फलटण शहर पोलीस ठाणे येथे घडल्याने वर्ग करण्यात आलेला होता. सदर गुन्हयांतील आरोपी करण विठ्ठल भोसले यास फलटण शहर पोलीसांनी पकडले होते. तेव्हापासून गुन्हयातील दुसरा आरोपी राहूल उत्तम इंगोले (रा.लोहगाव पुणे) हा फरारी होता. फलटण ग्रामीण पोलीस स्टेशनची टीम सदर आरोपीचा शोध घेत होती. त्याप्रमाणे गोपनीय व तांत्रिक विश्लेषण करुन ग्रामीण पोलीसांनी आरोपीस ताब्यात घेतल्यावर त्याने गुन्हयांची कबुली दिली आहे. त्याप्रमाणे आरोपीस तपासाच्या दृष्टीने फलटण शहर पोलीस स्टेशन यांचे ताब्यात दिले आहे.

सदरची कामगीरी पोलीस अधीक्षक समीर शेख सोा, अपर पोलीस अधीक्षक बापू बांगर, उपविभागीय पोलीस अधिकारी फलटण राहूल धस यांच्या सूचनांनुसार पोलीस निरीक्षक सुनिल महाडीक यांच्या मार्गदर्शनाखाली गुन्हे प्रकटीकरण शाखेचे पोलीस उपनिरीक्षक सागर अरगडे, पोलीस नाईक नितिन चुतरे, अमोल जगदाळे, श्रीनाथ कदम, पोलीस कॉस्टेबल श्रीकांत खरात, हनुमंत दडस यांनी या कारवाईमध्ये भाग घेतला होता.