ताथवडा घाटात लुटमार करणारी टोळी जेरबंद

फलटण प्रतिनिधी:- फलटण ग्रामीण पोलिसांनी ताथवडा घाटात लुटमार करणारी पाच जणांची टोळी जेरबंद केली असून लूटमारीचे दोन गुन्ह्यांची उकल ग्रामीण पोलिसांनी केली आहे.

फलटण ग्रामीण पोलिस ठाण्यातून मिळालेल्या माहितीनुसार, दि. १६ रोजी ४.३० वाजण्याच्या सुमाराला कुरियर सप्लाय करणारा ऋषिकेश अनिल मिसाळ (रा. कोळकी, ता. फलटण) हा फलटण ग्रामीण पोलीस ठाण्याच्या हद्दीत पुसेगाव-फलटण रोडवरील मानेवाडी बसस्टॉपवर कुरियर पार्सल देण्यासाठी ग्राहकाची वाट पाहत थांबला असताना फलटण बाजुकडुन दोन मोटार सायकलीवरून आलेल्या सहा लोकांनी त्याचेजवळ जाऊन तो वाटत पाहत असलेला ग्राहक असल्याचा बहाणा करून त्यास "पार्सल आहे का ?" असे बळजबरीने विचारले. त्यावेळी त्यांच्यापैकी एकाने ऋषिकेश अनिल मिसाळ यास गाडीवरुन खाली पाडल्यानंतर दुस-याने त्याचे डोक्यात दगड मारून जखमी केले. त्याचवेळी इत्तर चौघांनी त्यास लाथाबुक्क्यांनी मारहाण करुन त्याचेकडील रोख १० रुपये व १५ हजार रूपयांचा मोबाईल हॅण्डसेट व विविध पार्सल असलेल्या एकुण २७ हजार रुपये किंमतीच्या वस्तु असा एकुण ५२ हजार रुपये किंमतीचा मुद्देमाल असणारी बॅग जबरदस्तीने घेऊन त्याला मारहाण करुन ताथवडा घाटाकडे मोटार सायकलवरून पळून गेले. सदर घटनेबाबत फलटण ग्रामीण पोलिस ठाण्यात गुन्हा नोंद करण्यात आला होता.

फलटण ग्रामीण पोलिसांनी पुसेगाव रोडवरील सर्व हॉटेल, पेट्रोलपंप व इतर दुकानांचे सी. सी. टी. व्ही. कॅमेरे चेक केले. मानेवाडी भागातील गावांमध्ये जाऊन फिर्यादीने सांगितलेल्या वर्णनाच्या व्यक्तींची माहिती घेण्याचा प्रयत्न केला. त्यावेळी एके ठिकाणी शेतात काम करणा-या शेतक-याने फिर्यादी सांगत असलेल्या वर्णनाचे लोक बिबी बाजुकडे गेल्याचे सांगितले. या त्रोटक माहितीच्या आधारे पोलिसांनी बिबी व पंचक्रोशीतील सर्व परिसर पिंजुन काढुन आरोपींची नावे निष्पन्न करून १. अजय संभाजी मदने (वय २१ वर्ष, रा. डिस्कळ ता. खटाव) २. अक्षय संभाजी जाधव (वय - २७ वर्ष, रा. मोळ, ता. खटाव) ३ निखील उमाजी बुधावले (वय २१ वर्ष, रा. बुधावलेवाडी, ता. खटाव) ४. आदित्य रामदास शिरतोडे (वय १९ वर्ष, रा. ललगुण, ता. खटाव) ५. आकाश प्रभाकर जाधव (वय- २२ वर्ष, रा. कोरेगाव ता. कोरेगाव) यांना मोळ, ता. खटाव येथील एका डोंग-याच्या पायथ्याखालून व नेर येथील धरणाचे भराव्याजवळुन पाठलाग करून २४ तासांचे आत ताब्यात घेऊन अटक करुन त्यांच्याकडुन दोन मोटार सायकलीसह एकुण २ लाख ४४ हजार रुपये किंमतीचा मुद्देमाल जप्त केला आहे. वरील आरोपीना न्यायालयामध्ये हजर केले असता दि. २१/१०/२०२३ रोजी पर्यंत पोलिस कोठडी मंजुर करण्यात आली आहे. वरील गुन्हेगार हे ताथवडाघाटात छोट्यामोठ्या चो-या सतत करत होते. सदर आरोपीं पैकी अजय संभाजी मदने व निखील उमाजी बुधावले यांनी दि. १३/१०/२०२३ रोजी वाखरी येथील कृषी उत्पन्न बाजार समितीचे पेट्रोलपंपावरील कामगाराला तलवारीचा धाक दाखवुन त्याचेकडील रोख रक्कम चोरुन नेल्याचे निष्पन्न झाले आहे. 

सदरची कामगिरी पोलिस अधीक्षक समीर शेख, अपर पोलिस अधीक्षक आँचल दलाल, व उपविभागीय पोलिस अधिकारी राहुल धस यांच्या मार्गदर्शन व सुचनांनुसार फलटण ग्रामीण पोलिस ठाणेचे पोलिस निरीक्षक सुनिल महाडीक यांचे नेतृत्वाखाली पो. उ. नि. सागर अरगडे, पो. उ. नि. प्रमोद दिक्षित, पो. उ. नि. पाटील, पोलिस अमलदार योगेश रणपिसे, नितीन चतुरे, अमोल जगदाळे, श्रीनाथ कदम, विक्रांत बनकर, हनुमंत दडस, श्रीकांत खरात, विक्रम कुंभार, तुषार नलवडे या पोलिस अधिकारी व अमलदारांनी केली आहे.