हनीट्रॅप मध्ये अडकवून चार लाखाची खंडणी मागणाऱ्या टोळीस ग्रामीण पोलिसांनी केली अटक

फलटण प्रतिनीधी -

 फलटण शहरातील एका हॉटेल व्यावसायिकाला प्रेमाच्या जाळ्यात अडकवून त्याचे अपहरण करत मारहाण करून त्याच्याकडुन ४ लाख रुपये खंडणी उकळण्याचा प्रयत्न करणा-या एका महिलेसह सहाजणांची टोळीला फलटण ग्रामीण पोलिसांनी अटक केली आहे.

याप्रकरणी फलटण ग्रामीण पोलिस ठाण्यातून मिळालेल्या माहितीनुसार, फिर्यादी सजल विलास दोशी (वय ३७ वर्ष, व्यवसाय हॉटेल, रा. न्यु भारत साडी सेंटरसमोर, रविवार पेठ, ता. फलटण, जि. सातारा) यांनी दि. ३० ऑगस्ट २०२४ रोजी फलटण ग्रामीण पोलिस ठाण्यात येऊन तक्रार दिली होती ज्यामध्ये फिर्यादी यांचे फलटण शहरांमध्ये 'हॉटेल चॉईस' या नावाने हॉटेल आहे. मागील चार महिन्यापासून त्यांच्या हॉटेलमध्ये एक महिला अधून मधून जेवणाचे पार्सल नेण्यासाठी येत होती. त्या महिलेचा मोबाईल क्रमांक फिर्यादी यांच्याकडे होता.ती महिला तिचे नाव 'माया' असे ते सांगत होती. 

संशयित आरोपी महिला व फिर्यादी यांची ओळख झाल्यानंतर दि. ३० ऑगस्ट २०२४ यातील तक्रारदार यांच्यासोबत ती फिरायला जाण्यासाठी तयार झाली. फिर्यादी यांनी संशयित आरोपी महिलेला दि. ३० ऑगस्ट २०२४ रोजी सुरवडी येथून मोटरसायकलवर घेतले. त्यानंतर त्यांनी लोणंद, वीरधरण या ठिकाणी फेरफटका मारल्यानंतर एक सुरक्षित लॉज शोधत होते. परंतु त्यांना सुरक्षित लॉज न मिळाल्याने ते परत येत असताना त्यांना काळज-बडेखान जवळ दोन जणांनी अडवून "आमच्या बहिणीला घेऊन कुठे घेऊन फिरता" असे म्हणून फिर्यादी सजल विलास दोशी यास मारहाण करत रस्त्याच्या बाजूला घेऊन गेले. त्यावेळेस महिला ही त्या ठिकाणावरून निघून गेली. त्यानंतर फिर्यादी सजल विलास दोशी यांना मारहाण करून रात्री अकरा वाजेपर्यंत तिघा जणांनी हे त्याच्यावर बलात्काराची केस दाखल करणार आहेत अशी धमकी देत होते. फिर्यादी सजल विलास दोशी

यांच्याकडून बळजबरीने त्यांनी फोन पे द्वारे २६ हजार रुपये घेतले व फिर्यादी यांना उद्या आणखी ४ लाख रुपये घेऊन येण्यास सांगितले नाही आला तर फिर्यादी सजल विलास दोशी याचे नग्न काढलेले व बलात्कार केल्याबाबत वदवून घेतेलेल व्हीडोओ व्हायरल करण्याची धमकी दिली.

फलटण ग्रामीण पोलिसांनी संशयित आरोपी महिलेचा शोध घेऊन तिला ताब्यात घेऊन अधिक तपास केला असता फलटण शहरांमधील रेकॉर्डवरील १) उमेश संजय खोमणे (वय २८ वर्ष, रा. खराडेवाडी, ता. फलटण, जि. सातारा),२) गणेश बाळु मदने (वय १९ वर्ष, रा. पाचसर्कल, खामगाव, ता. फलटण, जि. सातारा), ३) कुमार उर्फ बोक्या लक्ष्मण शिंदे (वय २८ वर्ष, रा. भाडळी खुर्द, ता. फलटण, जि. सातारा),४) जयराज उर्फ स्वागत आनंदराव चव्हाण (वय २६ वर्ष, रा. झिरपवाडी, ता. फलटण, जि. सातारा),५) आकाश काशिनाथ डांगे (वय ३० वर्ष, रा. भाडळी बु, ता. फलटण, जि. सातारा) ६) माया (टोपण नाव) वय ३० वर्ष ७) अनिल गजरे (पूर्ण नाव व पत्ता माहित नाही) यांना अटक करण्यात आले असून हे गुन्हेगार महिलेच्या मदतीने फिर्यादी सजल विलास दोशी यास लुटत होते व काही लोक हे मोबाईलद्वारे इतर आरोपींच्या संपर्कात राहून आरोपीला हनीट्रॅपमध्ये अडकून सुव्यवस्थितपणे कट करून फिर्यादी कडून पैसे काढत होते. सदर प्रकरणी फलटण ग्रामीण पोलिस ठाण्यात गुन्हा दाखल करण्यात आला असुन पुढील तपास पोलिस उपनिरीक्षक गोपाल बदने हे करीत आहेत. 

सदरची कारवाई पोलिस अधीक्षक समीर शेख, अपर पोलिस अधीक्षक वैशाली कडुकर व उपविभागीय पोलिस अधिकारी राहुल धस यांचे मार्गदर्शनाखाली फलटण ग्रामीण पोलिस ठाण्याचे पोलिस निरीक्षक सुनिल महाडीक यांचे नेतृत्वाखाली गुन्हे प्रकटीकरण विभागाचे सहायक पोलिस निरीक्षक विशाल वायकर, शिवाजी जायपत्रे, पोलिस उपनिरीक्षक गोपाल बदने, मच्छिंद्र पाटील, पोलिस अमंलदार नितीन चतुरे, वैभव सूर्यवंशी, श्रीनाथ कदम, संदीप मदने, अमोल जगदाळे, श्रीकांत खरात, हनुमंत दडस, रशिदा पठाण यांनी सदरची कारवाई केली. 

या टोळीने फलटण व लोणंद या भागात सुद्धा अनेक लोकांना यापूर्वी हनीट्रॅपमध्ये अडकवलेले असण्याची शक्यता आहे. अशा लोकांनी आपल्या संबंधित पोलिस ठाण्यात किंवा फलटण ग्रामीण पोलीस ठाण्याशी संपर्क करावा.

सुनिल महाडीक

पोलिस निरीक्षकफ,लटण ग्रामीण पोलिस ठाणे

आकाश काशिनाथ डांगे यांच्या विरोधात यापूर्वी अनेक ठिकाणी सैन्य भरती प्रकरणी फसवणुकीचे गुन्हे दाखल असून सैन्य भरती फसवणुक सोबत हनीट्रॅप प्रकरणी आकाश काशिनाथ डांगे याचा सहभाग उघड झाला आहे.