Logo
मुखपृष्ठ महाराष्ट्र देश विदेश सामाजिक राजकीय प्रशासकीय क्रीडा क्राईम उद्योग शैक्षणिक व्हिडीओ ई-पेपर संपर्क
शक्ती (अशोक) भोसले — युवकांचे प्रेरणास्थान, सामाजिक बांधिलकीची नवी ओळख : भावी नगरसेवक, उत्कृष्ट पत्रकार आणि क्रिकेटपटू रामराजेंच्या इंस्टाग्रामवरून अनिकेतराजेंचे प्रमोशन फलटण नगरपालिकेच्या मतदार याद्यांमध्ये घोळ – अनेक मतदार दुसऱ्याच प्रभागात, नागरिक त्रस्त माजी नगराध्यक्ष दिलीपसिंह भोसले यांच्या वाढदिवसाच्या निमित्त विविध कार्यक्रमाचे आयोजन : रणजितसिंह भोसले सौ.अनिता प्रशांत काकडे यांना भाजपकडून नगरपालिका उमेदवारी द्यावी – कार्यकर्त्यांची ठाम मागणी गॅलेक्सीचा बारामती शाखेचे उद्घाटन संपन्न सहा महिन्यांत मधुमेह नुसता नियंत्रणातच नाही तर 'गोळी-मुक्ती'चा प्रवास यशस्वी लवकरच विजयी गुलाल! – समशेरसिंह नाईक निंबाळकर यांचे कार्यकर्त्याचे स्टेटस चर्चेत फलटणचे नगराध्यक्ष पद खुल्या प्रवर्गासाठी : दोन निंबाळकर पुन्हा आमने-सामने! प्रल्हादराव साळुंखे पाटील — सहकार, संघर्ष आणि सत्यनिष्ठेचा अविभाज्य दीपस्तंभ फलटणला पावसाने झोडपले – आठवडा बाजारात दैना, नागरिकांची तारांबळ फलटणच्या एसटी चालकाचा प्रामाणिकपणा : सापडलेले तब्बल अडीच लाखांचे सोन्याचे दागिने केले परत फलटण येथे विविध पदांची अर्जंट भरती सोलापूर व मराठवाड्यातील पूरग्रस्तांसाठी फलटणकरांनी दिला मदतीचा हात : तहसीलदार डॉ. अभिजित जाधव यांच्या उपस्थित मदत रवाना श्रीरामच्या निवडणुकीसाठी कधीही तयार : रामराजे ; याचिका मागे घेण्याचा निर्णय खासदार गटाकडे संस्थानी पर्यावरण समतोल राखण्यासाठी काम करावे : आमदार रामराजे मी महाराज साहेबांच्या विचारा बरोबर आहे : विश्वासराव भोसले खासदार गटाचे कट्टर समर्थक माजी नगरसेवक अशोकराव जाधव भाजपमधून बाहेर पडणार ? व्हाट्सअप स्टेटस ने तालुक्यात खळबळ नाना-नानी पार्क व ओपन जिम या नियोजीत प्रकल्पाचे उद्या भूमिपूजन बाजार समितीच्या विशेष निमंत्रित सदस्यपदी मोहनराव डांगे यांची नियुक्ती स्वराज ग्रीन पॉवर अँड फ्युअलला इंडिया ग्रीन एनर्जी अवॉर्ड 30 सप्टेंबर पर्यत राज्यात पावसाची तीव्रता वाढण्याचा इशारा : नागरिकांनी सुचनांचे पालन करावे फलटण कृषी उत्पन्न बाजार समितीची सोमवारी वार्षिक सर्वसाधारण सभा संजीवराजे यांच्या एकसष्ठीचे कार्यक्रम स्थगित : मा. आ. दिपकराव चव्हाण : सोलापूर जिल्ह्यातील पूरग्रस्तांसाठी मदतीचे आवाहन पवार गल्ली नवरात्र उत्सवात जल्लोष कविता : एका धरणाकाठी... तेरी भीं चूप मेरी भीं चूप कुणाला काही सांगू नका...कबूल.. कबूल... विडणीमध्ये स्वच्छता अभियानास उत्स्फूर्त प्रतिसाद फलटण तालुक्यातील १३ किलोमीटर रस्त्यांना ग्रामीण मार्ग म्हणून दर्जा : मा खा.रणजितसिह नाईक निंबाळकर कु. वेदिनी साबळे हिची उच्च शिक्षणासाठी जर्मनीत निवड फलटण ग्रामीण पोलीस ठाण्याचे पोलीस निरीक्षक सुनील महाडिक यांचा पदोन्नतीनिमित्त सत्कार कोळकी ग्रामपंचायत सदस्य गणेश शिंदे यांची राजे गटात घरवापासी : भाजपाला रामराम विडणीत उद्या महास्वच्छता अभियान : गावच्या लोकसंख्येएवढे वृक्षारोपण : सरपंच सागर अभंग फलटणच्या राजकारणात नवीन ट्विस्ट : नको येऊ तर कोणत्या गाडीत बसू... दोन डाकू एकत्र : युवराज शिंदे यांनी पोस्ट केलेला व्हिडिओ सोशल मीडियावर व्हायरल फलटण शहरातील भाजी विक्रेत्यांना पारधी व तृतीयपंथीयांचा त्रास आमदार सचिन पाटील यांच्याकडून ह.भ.प. अर्जुनराव कापसे (महाराज) यांना सन्मानपत्र प्रदान उद्या फलटणच्या या भागात बत्ती गुल नवरात्रीतील प्रत्येक दिवसासाठी खास रंगांचे महत्त्व माजी नगरसेवक हरिष काकडे यांचे निधन फलटण शहरात अति वेगाने वाहने : नागरिकांमध्ये भीतीचे वातावरण शाश्वत विकासासह सशक्त पंचायत व लोकसहभागातून समृद्धी निर्माण करण्याचे ध्येय - आमदार सचिन पाटील फलटण कृषी उत्पन्न बाजार समितीला राज्यस्तरीय पुरस्कार प्रदान : पुरस्काराची हॅट्रिक महिलांच्या आरोग्यासाठी शासनाच्या विविध योजना : आमदार सचिन पाटील आमदार सचिन पाटील यांच्या हस्ते सेवा पंधरवड्याची आज सुरवात - तहसीलदार डॉ. अभिजित जाधव शेतक-यांची फसवणूक करणारी आंतरराष्ट्रीय टोळीचा पर्दाफाश - शहर पोलिसांना यश फलटण तालुक्यात महसूल विभागातर्फे सेवापंधरवडा साजरा होणार - तहसीलदार डॉ. अभिजित जाधव बार्टी कार्यालयाबाहेर बॅनर याद राखा, तुमची गाठ माझ्याशी आहे : सरकारला इशारा संत नामदेव महाराज जयंती निमित्त श्री क्षेत्र पंढरपूर ते श्री क्षेत्र घुमाण ( पंजाब ) संत नामदेव चरण पादुका रथयात्रा व सायकल वारीचे आयोजन:फलटण येथे पहिला मुक्काम लुटूपुटूच्या लढाईची चर्चा ? दोन्ही निंबाळकरांचे patch up ?

आजही सैराटची गाणी वेड का लावतात?

टीम : धैर्य टाईम्स

मराठी सिनेमांचे सगळे रेकॉर्ड मोडणार्‍या नागराज मंजुळेंच्या सैराटला पाच वर्ष झालीत. त्यातल्या लवस्टोरीनं अनेकांना भुरळ घातली. अनेकांना त्यातलं सामाजिक वास्तव भावलं. पण सिनेमातली गाणीही फक्त सुपरहिट नाही तर ट्रेण्डसेटर ठरली. कारण ती खर्‍या अर्थाने ग्लोबल आहेत. शब्द, भाषा आणि सुरांचीही कुंपणं ओलांडून हे संगीत जगाला भिडतं.
’लंगड्या, तुजं मला काय बी ऐकायला यत न्हाय’ म्हणणार्‍या परशाला आर्ची आली आर्ची हे शब्द मात्र बरोबर ऐकायला येतात. तेव्हा कसलाही विचार न करता बोटीच्या एका टोकावरून स्वत:ला तो समुद्रात झोकून देतो. जणू ये इश्क नही आसान बस इतना समझ लिजिये या ओळींचीच याद यावी.
पक्ष्यांचं आभाळाकडं झेप घेणं असो, बॅकग्राऊंडला वाद्यांचं उत्कंठा वाढवणारं संगीत असो की आर्चीच्या एका झलकसाठी व्याकुळ झालेल्या परशाचं अथांग सागरातून वाट काढत किनार्‍याकडं झेपावणं असो. इच्छितस्थळी पोचण्याची उत्सुकता नेमकी कुणाला लागलीय त्याचा अंदाज लावणं कठीणच.
मंग्याच्या हिरीवरनं समद्या पोरास्नी आर्चीनं तानून लावलं अशी आर्चीची तक्रार करणार्‍या मित्राकडून परशाला एवढंच कळलं की आर्ची मंग्याच्या विहिरीकडे आहे. मग काय, चेहरे पे मुस्कान और दिल में लाखो तुफान घेऊन पाखरांच्या वेगाने, ओलेत्या अंगाने, अनवाणी पायाने परशा पळतच सुटतो.
एकीकडे समुद्रातून बाहेर आलेला परशा तर त्याचवेळी दुसरीकडे हात वर करून पूर्ण कपड्यातल्या आर्चीने उंच पायर्‍यांवरून विहिरीत मारलेली उडी! आर्चीच्या त्या उडीने नदीत, विहिरीत असलेली हिरोईन मादकच दिसते, असते या आपल्या पूर्वापार संस्काराच्या पार चिंधड्या उडवल्या राव.
हेही वाचा: टू डेज वन नाईट: बेरोजगार कुटुंबाची जागतिक गोष्ट
समुद्र पार करून आलेला परशा आता आर्ची पहायला मिळणार या एका आशेपायी घरी येऊन डोक्यावर चक्क पाणी ओतून घेतो! आणि याड लागलं गं याड लागलं गं, रंगलं तुझ्यात याड लागलं गंची धून सुरू होते. तीच्यासाठी परशाचं सजणं त्याच्या लहान बहिणीच्या नजरेतूनही सुटत नाही. पण चाखलंया वारं ग्वाड लागलं गं म्हणत विहिरीकडं निघालेल्या परशाला शर्ट घालायला तरी घरात कुठं वेळ आहे.
धावत्या मालगाडीच्या पार्श्‍वभूमीवर आनंदाच्या उकळ्या फुटल्यासारखं स्लो मोशनमधे एकट्यानेच परशाला बेधुंद नाचताना पाहून जाणवतं की प्रेमात आकंठ बुडालेल्याचं नाचणंही किती लोभसवाणं असतं! तेवढ्यात कुठूनतरी एक फूलपाखरू परशाच्या आजूबाजूला भिरभिरत येतं. तेच फूलपाखरू उसाच्या नी केळीच्या शेतातून परशा येणार असल्याची वर्दी देत निघूनही जातं.
हे असं प्रेमात असलेल्याचं फूलपाखरू झालेलं पाहणं म्हणजे दिग्दर्शकाच्या कल्पनाशक्तीचा अत्युच्च आविष्कारच म्हणायला हवा मग भलेही ते फूलपाखरू एडिट केलेलं का असेना! शेतात एकट्यानेच बेधुंद नाचणारा परशा माणसांमधे आल्यावर मात्र लोकांच्या नजरा चुकवत, मनातली चलबिचल लपवत चालत राहतो. पण नीट न्याहाळून पाहिली तर त्याची ही दोन्ही रूपं रविराज कटिंग सलूनच्या तडा गेलेल्या काचेतूनही दिसतात. आणि काचेसारखं निर्विकार चेहर्‍याने पाहत असलेलं रविराज नामक जगही!
’सांगवना, बोलवना, मन झुरतया दुरून’ च्या तालावर पुन्हा उसाच्या तुर्‍यांमधून पाखरांसंगं उडत जाणारा परशा, त्याचं ते गोंधळलेलं मन लाजं-काजंला बाजूला सारून पाकीट, घड्याळ मित्राकडं भिरकावून देतं आणि ओढ लागली, मनात कालवाया लागलं म्हणत विहिरीकडं धाव घेतं. तेव्हा हरभरा खायच्या तयारीत असलेला मित्रही बघतच राहतो.
आणि परशा एकदाची विहिरीच्या कड्यावरून मस्तमौला उडी मारतो. जिच्यासाठी एवढा आटापिटा केला तिला एकटक पाहतच पाण्यात पडतो. समुद्रात हात पाय लांब करून पट्टीचा सूर मारणारा परशा विहिरीत मात्र गुडघ्यात पाय मुडपून, हात पसरून उडी मारतो हे विशेष!
बघितलंच न्हाय म्हणत त्याचं ते लडिवाळ खोटं खोटं बोलणं, बरा डोळं झाकून हिरीत पडलास म्हणत तिचं बेदरकार उत्तर, आता बघितलंस ना म्हटल्यावर त्याचं ते मनातल्या मनात गुदगुल्या झालेलं मान डोलावणं आणि त्यावरही कडी करत तिने त्याला फटकारणं! बासरीच्या आर्त स्वरांच्या पार्श्‍वभूमीवर त्या दोघांमधे प्रत्यक्ष झालेला पहिला संवाद आणि एकमेकांचे श्‍वासही ऐकता येतील एवढ्या जवळून झालेली प्रत्यक्ष नजरभेट!
खरंतर पोरींचा रस्ता अडवून धरायची आपली दीर्घ परंपरा पण इथे आर्चीचं परशाला वाट मोकळी करून देणं लक्षात राहतं. आणखी एक, परशा पायर्‍यांकडे येताना पायर्‍यांजवळ आर्चीच्या चार मैत्रिणी दिसतात. पण पुढच्याच सीनमधे परशा पायर्‍या चढताना मात्र तिघीच असल्याचं दिसतं, हे मात्र खटकतं जरूर! असो.
जग जिंकलेल्या अलेक्झांडरचं हसू घेवून परशा तिथून बाहेर पडतो तर अचानक या कोसळलेल्या वीजेने आर्चीही त्याच्या पाठमोर्‍या आकृतीकडे खुळ्यासारखी पाहतच राहते आणि चमचमत्या पाण्याच्या प्रकाशात तिचा चेहरा अधिकच खुलून दिसतो! कॅमेरेवालेदादा, मानलं तुम्हाला! काय म्हणली रं आर्ची? हे मित्रांनी विचारताच ’बाहेर हो म्हणली’ हे परशा इतक्या सहज सुंदरतेने बोलून जातो की तिचं हुसकावून लावणंसुध्दा त्याला किती हवंहवंसं वाटतं, याची साक्ष पटावी.
बाहेर हो म्हणली हे तीन शब्द म्हणजे या गाण्याच्या संपूर्ण चित्रीकरणातला मास्टर पीसच! म्हटलं तर नुसतं विहिरीतून बाहेर हो किंवा ज्याच्यात उडी मारू पाहतोस त्यातूनही बाहेर हो हा गर्भित अर्थही दडलाय असं जाणवतं!
हेही वाचा: वाफाळलेले दिवसः वयात येणार्‍या पाल्यांसोबत पालकांनी बघावा असा अभिवाचनाचा प्रयोग
तिच्या नजरभेटीत चिंब भिजूनही आतला जाळ काही केल्या सुलगना. देखणं हे, दुखणं गं कॅरमबोर्डचा पाळणा करून एकलंच हाय साथीला म्हणत त्यावर कपडे सुकवतयं. एकलेपणाच्या वातीला पाजळून मनाच्या काजळीला कधी उजळवून टाकतंय तर कधी चांदणीलाच आवतान धाडतंय.
तिचं सपान आता जागवाय लागलं हे जसं कळलं नाही तसं तिच्याच विचारांच्या थव्यांनी आभाळ पांघराया लागलं हे ही कळलं नाही. मग माशांचं जाळं घेऊन पहाटे पहाटे घराकडे धाव घ्यावी लागली. आणि सकाळी पाहतो तर काय. बंदुकीच्या आकाराची चावी लावून, तलवारीच्या पात्यावर नंबरप्लेट असलेली, गडद निळ्या रंगातला ड्रेस ल्यालेली, गॉगल लावून ऐटीत बसलेल्या रूबाबदार आर्चीची बुलेटवरची एन्ट्री! कडक शिस्तीच्या एनसीसी कॅडरला मान वळवायला लावणारी, गावातल्या टग्या नजरेंनाही क्षणभर अवाक् करणारी, निस्तेज डोळ्यातल्या एखादीलाही अभिमान वाटायला लावणारी अशी ती एण्ट्री कुणाला याड नाही लावणार?
याड लागलं हे गाणं म्हणजे गायक, गीतकार, संगीतकार, कलाकार, कॅमेरामन, दिग्दर्शक आणि एडिटर यांच्या मेहनतीचं, कलागुणांचं अनोखं प्रदर्शनच आहे! आवर्जून उल्लेख करावा ते म्हणजे 66 वाद्यवृंदकांनी मिळून वाजवलेली ट्रंपेट, सेक्साफोन, ब्रास, व्हायोलीन, क्लेरीनेट, बासरी, वीणा इ. वाद्यं आणि त्यातून तयार झालेलं हे सिंफनी ऑर्केस्ट्राबेस मेलडियस साँग!
आंतरराष्ट्रीय महोत्सवात दाखवला की मराठी सिनेमा ग्लोबल झाला असं म्हणायचं की यूट्यूबवरच्या या गाण्याचं रेकॉर्डिंग पाहिल्यावर तो खर्‍या अर्थाने ग्लोबल झाला असं म्हणायचं हे ज्याचं त्यानं ठरवावं. पण एकदा तरी या गाण्याचं यूट्यूबवरचं रेकॉर्डिंग अवश्य पहा. याड लागलं या गाण्याची पडद्यामागची अतोनात धडपड नी पडद्यावरची आल्हाददायक धडधड पाहिली की एकच वाक्य मनात येत राहतं याड लागावं तर ते अस्सं!

संबंधित बातम्या

Logo

स्थानिक बातम्या

Follow Us

हवामान

SATARA WEATHER