होमपिच वर आज रामराजेंची बॅटिंग : नगरपालिका निवडणुकीचे रणसिंग फुंकणार?

मागील काही दिवसात फलटण तालुक्यांमध्ये वाठार निंबाळकर व गोखळी येथे झालेल्या जाहीर सभांमधून आमदार श्रीमंत रामराजे नाईक निंबाळकर यांनी खासदार रणजितसिंह नाईक निंबाळकर यांच्यावर टीकेची जोड उठवली होती. मात्र आज होणाऱ्या फलटण शहरातील सभेमधून आमदार रामराजे होऊ घातलेल्या निवडणुकीच्या संदर्भात विकासात्मक मुद्द्यावर बोलणार की केवळ विरोधकावर टीकास्त्र सोडणार हा कळीचा मुद्दा आहे

 फलटण शहरातील सभा म्हणजे विधान परिषदेचे माजी सभापती आ. श्रीमंत रामराजे ना. निंबाळकर यांची होम पिचच.. त्याला कारणही तसंच आहे. कारण 1991 साली याच फलटण शहरातून आ. रामराजे यांनी राजकीय कारकिर्दीतील पहिली नगरपरिषदेची निवडणूक जिंकत नगराध्यक्ष पदावर विराजमान झाले होते.

लवकरच होऊ घातलेल्या नगरपालिका, पंचायत समिती, जिल्हा परिषद, मार्केट कमिटी निवडणुकीचे रणसिंग आज आ.रामराजे फलटणच्या जाहीर सभेतून फुंकतील अशी आशा आहे.

राष्ट्रवादी काँग्रेसचा बालेकिल्ला असणाऱ्या फलटणमध्ये भारतीय जनता पार्टीने माढा लोकसभा मतदारसंघाचे खासदार रणजितसिंह नाईक निंबाळकर यांच्या माध्यमातून आपली पाळेमुळे रोवायला सुरुवात केली आहे.

त्यातच राष्ट्रवादी काँग्रेस पक्ष राज्याच्या सत्तेतून बाहेर पडल्यामुळे राष्ट्रवादी काँग्रेस साठी फलटणचा बालेकिल्ला राखण्यास मोठी कसरत करावी लागणार असल्याचे तालुक्यामधून चर्चा रंगू लागले आहे.

मागील काही दिवसात फलटण तालुक्यांमध्ये वाठार निंबाळकर व गोखळी येथे झालेल्या जाहीर सभांमधून आमदार श्रीमंत रामराजे नाईक निंबाळकर यांनी खासदार रणजितसिंह नाईक निंबाळकर यांच्यावर टीकेची जोड उठवली होती. मात्र आज होणाऱ्या फलटण शहरातील सभेमधून आमदार रामराजे होऊ घातलेल्या निवडणुकीच्या संदर्भात विकासात्मक मुद्द्यावर बोलणार की केवळ विरोधकावर टीकास्त्र सोडणार हा कळीचा मुद्दा आहे.

गत एकतीस वर्षांमध्ये आ.रामराजे  यांनी राजकीय कारकीर्दी मधून फलटणसाठी पाण्याबरोबरच सुरवडी येथील एमआयडीसी त्याचबरोबर अनेक विकासकामे फलटणकरांसाठी निश्चितच दिली आहेत यात दुमत नाही.

मात्र आता तरुणांचा बेरोजगारीचा प्रश्न, उच्च शिक्षणाचा प्रश्न, उद्योग व्यवसायांचा प्रश्न, वाढत्या शहरीकरणाचा प्रश्न, शेतीमालाच्या बाजारभावाचा प्रश्न, कष्टकरी श्रमिकांचे प्रश्न, छोटे मोठे उद्योग व्यवसायाचे प्रश्न, वाढत्या महागाईचा प्रश्न या व अशा अनेक मुद्द्यांवर फलटण तालुक्याचे भविष्य असल्यामुळे या विषय आ.श्रीमंत रामराजे नाईक निंबाळकर कोणती भूमिका मांडणार याकडे प्रामुख्याने फलटणच्या मतदारांचे लक्ष लागून राहिले असल्याचे बोलले जात आहे.