जाधववाडी येथील ग्रामपंचायत कर्मचाऱ्यास मारहाण

फलटण प्रतिनिधी : क्राईम न्यूज 

जाधववाडी येथील पाणीपुरवठा कर्मचाऱ्यास मारहाण केल्या प्रकरणी शहर पोलीस ठाण्यात एका महिलेसह एका तरुणाच्या विरोधात सरकारी कामात अडथळा आणल्याप्रकरणी गुन्हा दाखल करण्यात आला आहे.

फलटण शहर पोलीस ठाण्यातून मिळालेल्या माहितीनुसार, दि. ३ रोजी ग्रामपंचायत जाधववाडी पाणीपुरवठा कर्मचारी फिर्यादी गणेश विठ्ठल जाधव (रा. जाधववाडी ता. फलटण) यांना सरपंच यांना फोन करून सागितले की महादेव माळ येथे ग्रामपंचायतचे पिण्याचे पाण्याच्या पाईपचा एअरवॉल तोडुन लोक त्यामधुन पाणी चोरी करीत आहे. तरी तुम्ही तेथे जाऊन खात्री करा असे सांगितले असता फिर्यादी गणेश जाधव हे मोटार सायकलवरुन महादेव माळ जाधववाडी येथे दुपारी ३ वाजता गेले असता तेथे एक मुलगा अहद इमरान शेख हा त्याठिकाणी उभा असलेला दिसला व तसेच दोन अनोळखी महिला त्याठिकाणी पाणी भरत होत्या. अहद यास काही एक न बोलता फिर्यादी गणेश जाधव व सहकारी कामगार नितीन शरद काकडे यांना फोन करुन ग्रामपंचायतीने पिण्याची मोटार बंद करण्यास सांगुन फलटण येथे एअरवॉल आणणेकरीता गेले. फिर्यादी कर्मचारी हे नवीन एअरवॉल घेवून पुन्हा त्याच ठिकाणी ३:३० वाजण्याच्या सुमारास गेले असता त्यावेळी तेथे तबस्सुम इमरान शेख व त्याचा मुलगा अहद इमरान शेख हे त्या ठिकाणी पाणी भरत होते. फिर्यादी गणेश जाधव हे त्यांना पाईप का फोडला तुम्ही पाईप फोडुन पाणी का नेहत आहात असे विचारले म्हणुन शिवीगाळ करुन हाताने मारहाण केली. त्यावेळी फिर्यादी गणेश जाधव हे मोटार सायकल व नवीन आणलेला वॉल तेथेच ठेवुन सरपंच यांचे घराकडे पळत गेले व घडलेला सर्व प्रकार त्यांना सांगून शहर पोलीस ठाण्यात तबस्सुम इमरान शेख व त्याचा मुलगा अहद इमरान शेख यांच्या विरोधात शहर पोलीस ठाण्यात सरकारी कामात अडथळा आणल्या प्रकरणी गुन्हा दाखल केला.