मालखेडमध्ये नदीपात्रात पोत्यात आढळला मृतदेह

कराड : मालखेड, ता. कराड येथे मच्छीमारांना कृष्णा नदीपात्रात पोत्यात भरलेल्या अवस्थेतील पुरुष जातीचा मृतदेह आढळला. हि घटना  दुपारी 1 वाजण्याच्या सुमारास मच्छिमारी करताना ही बाब त्यांच्या निदर्शनास आली. दरम्यान, पोत्यात सडलेल्या अवस्थेत मृतदेह आढळल्याने घातपाताचा संशय व्यक्त केला जात आहे.
दरम्यान, मृतदेह सडलेल्या अवस्थेत असल्याने त्यांची ओळख पटली नव्हती. कराड ग्रामीण पोलीस ठाण्यात याबाबतची नोंद करण्याचे काम रात्री उशिरापर्यंत सुरु होते.
याबाबत घटनास्थळावरून मिळालेली माहिती अशी की, बुधवारी दुपारी १२.३० ते १ वाजण्याच्या सुमारास काही युवक कृष्णा नदीपात्रात मच्छीमारी करत होते. यावेळी त्यांना नदीपात्रालगत पोत्यात भरलेला सडलेल्या अवस्थेतील मृतदेह आढळून आला. परिसरात त्यांची मोठी दुर्गंधी पसरल्याने त्यांच्या ही बाब प्रखार्षाने निदर्शनास आली. त्यानंतर त्यांनी याबाबतची माहिती स्थानिकांसह पोलिसांना दिली.
पोलिसांनी घटनेची माहिती मिळताच तात्काळ घटनास्थळी धाव घेत, स्थानिकांच्या मदतीने मृतदेह नदीपात्राबाहेर काढला. त्यानंतर मृतदेहाची प्राथमिक तपासणी व पंचनामा करण्यात आला. मृतदेह हा पुरुष जातीचा (वय अंदाजे 32-35) असून तो अतिशय सडलेल्या अवस्थेत असल्याने त्याचे नमुने घेऊन ते उत्तरीय तपासणीसाठी वेणूताई चव्हाण शासकीय उपजिल्हा रुग्णालयात पाठवण्यात आले. त्यानंतर मृतदेह अत्यंत सडलेल्या व दुर्गंधी येत असलेल्या अवस्थेत असल्याने पोलिसांनी त्याचे दफन केले.  यादरम्यान, उत्तरीय तपासणीचा अहवाल आल्यांनतर कराड ग्रामीण पोलीस ठाण्यात याबाबतची नोंद करण्याचे काम रात्री उशिरापर्यंत सुरु होते. पोलिसांनी पुढील तपासात गती दिली आहे.