फलटण येथे लिलाव प्रक्रियेत अडथळा आणल्या प्रकरणी दोन जणांच्या विरोधात गुन्हा दाखल 

फलटण प्रतिनिधी:- कृषी उत्पन्न बाजार समिती फलटण येथे लिलाव प्रक्रिया बंद पाडुन मोठमोठयाने गोंधळ घालून सचिव यांच्या अंगावर धावुन येवुन शिवीगाळ दमदाटी करुन शासकिय कामात अडथळा आणल्या प्रकरणी दोन जणांच्या विरोधात शहर पोलिस ठाण्यात गुन्हा दाखल करण्यात आला आहे.

फलटण शहर पोलिस ठाण्यातून मिळालेल्या माहितीनुसार व फिर्यादी शंकर सर्जेराव सोनवलकर सचिव कृषी उत्पन्न बाजार समिती, फलटण रा. वडले ता. फलटण जि. सातारा यांनी दिलेल्या फिर्यादीनुसार, दिनांक 6 रोजी सकाळी 8.45 ते 10 वाजण्याच्या दरम्यान सुमारास कृषी उत्पन्न बाजार समिती, फलटण येथे शेतीतील माल विक्री करणे करीता सागर देशपांडे (रा. कोळकी, फलटण ता. फलटण जि.सातारा) यांनी मे. अमर कृष्णा राऊत (गाळा नं.6 B)या दुकानाचे अडतीवर माल विक्री करण्यासाठी आला होता. त्याप्रमाणे त्यांची टोमॅटो, मिरची या शेतमालाचे उघड लिलाव पध्दतीने बोली पार पडली. मात्र सागर देशपांडे यास सदर लिलाव बोलीतील होलसेल दर मान्य झाला नाही. त्याने मे. अमर कृष्णा राऊत यांचेकडे मार्केट यार्डबाहेर किरकोळ विक्रेत्यांकडील होणारा किरकोळ विक्री दर मिळावा अशी मागणी केली व लिलाव झालेला शेतमाल रद्द करणेची कोणतीही विहीत प्रक्रिया पुर्ण न करता परस्पर टोमॅटो व मिरची घेवुन गेला. परंतु ते घेवून जाणेपूर्वी त्याने सदर अडत्याची लिलाव प्रक्रिया बंद पाडुन मोठमोठयाने गोंधळ घातला. त्यानंतर लिलावाचे ठिकाणी स्वतःचे अंगावर पेट्रोल ओतण्याचा प्रयत्न केला व त्यानंतर सकाळी 10 वाजण्याच्या सुमारास सागर देशपांडे व संदिप कांबळे हे बाजार समितीचे प्रवेशद्वारावर आले माझे व इतर सहकारी कर्मचाऱ्याचे म्हणने न ऐकता मोठमोठ्याने गोंधळ घातला तसेच त्यांनी फिर्यादी शंकर सर्जेराव सोनवलकर सचिव कृषी उत्पन्न बाजार समिती यांच्या अंगावर धावुन येवुन शिवीगाळ दमदाटी करुन कृषी उत्पन्न बाजार समितीचे सचिव यांच्या शासकिय कामात अडथळा आणल्या प्रकरणी सागर देशपांडे व संदिप कांबळे (पुर्ण नाव माहित नाही) दोन्ही रा. कोळकी, फलटण ता. फलटण जि.सातारा यांचे विरुद्ध फलटण शहर पोलिस ठाण्यात सरकारी कामात अडथळा आणल्या प्रकरणी गुन्हा दाखल करण्यात आला आहे.