माथाडी युनियन नेते लालासाहेब साबळे कार्यकर्त्यांसह शिंदे गटात

फलटण पूर्व भागातील कार्यकर्त्यांच्या अडीअडचणी सोडविणे त्याचबरोबर गाव तिथे बाळासाहेबांची शिवसेनेची ( शिंदे गट ) शाखा सुरू करणार असल्याचे लालासाहेब साबळे यांनी धैर्य टाईम्सशी बोलताना सांगितले.

शिवसेनेचे सातारा जिल्हा माथाडी युनियनचे उपाध्यक्ष लालासाहेब साबळे यांनी आपल्या समर्थकांसह नुकताच बाळासाहेबांची शिवसेना (शिंदे गटात) जाहीर प्रवेश केला. यावेळी सातारा जिल्हा प्रमुख चंद्रकांत जाधव यांची प्रमुख उपस्थिती होती.

 सातारा जिल्ह्याचे सुपुत्र व महाराष्ट्राचे मुख्यमंत्री नामदार एकनाथजी शिंदे व सातारा जिल्ह्याचे पालकमंत्री व राज्य शुल्क उत्पादन मंत्री शंभूराज देसाई यांच्या विचारांना प्रेरित होऊन आपण बाळासाहेबांची शिवसेना मध्ये प्रवेश करत असल्याचे लालासाहेब साबळे यांनी धैर्य टाईम्सची बोलताना सांगितले.

 फलटण पूर्व भागातील कार्यकर्त्यांच्या अडीअडचणी सोडविणे त्याचबरोबर गाव तिथे बाळासाहेबांची शिवसेनेची शाखा सुरू करणार असल्याचे लालासाहेब साबळे यांनी सांगितले. यावेळी सचिन घाडगे, अमित पवार, सुमित पवार, प्रतीक शहा, निर्मला घाडगे,अश्विनी शिर्के यांच्यासह बाळासाहेबांची शिवसेनेमध्ये(शिंदे गट ) जाहीर प्रवेश केला.