मुश्ताक महात यांची मतदान केंद्रस्तरीय अधिकारी प्रशिक्षणासाठी निवड

फलटण प्रतिनिधी - 

फलटण नगरपरिषदेचे ज्येष्ठ अधिकारी मुश्ताक अहमद अब्दुललतीफ महात यांची अभिलेख अधिकारी तथा मतदान केंद्रस्तरीय अधिकारी पर्यवेक्षक, यांचे प्रशिक्षणासाठी 255, फलटण (अ.जा) विधानसभा मतदारसंघातून निवड झाली आहे. माननीय भारत निवडणूक आयोग, नवी दिल्ली यांचेमार्फत IIIDEM द्वारका येथे सदरचे प्रशिक्षण दिनांक 12-13 जून 2025 रोजी होणार आहे.

 दिनांक 1 मे 2025 रोजी कामगार दिनानिमित्त मुश्ताक महात यांना 'आदर्श सेवा-आदर्श कामगार' हा पुरस्कार देऊन गौरविण्यात आलेले आहे. नगरपरिषदेतील त्यांचे कामकाज, राष्ट्रीय कामे, विविध प्रकारची जनजागृतीची कामे, कोरोना काळातील त्यांनी केलेली सेवा कौतुकास पात्र आहे. तसेच माननीय नगरपरिषद प्रशासन संचालनालय, नवी मुंबई यांचे कार्यालयाकडून त्यांची महाराष्ट्र नगरपरिषद, नगरपंचायती व औद्योगिक नगरी राज्यसेवा स्वच्छता निरीक्षक संवर्गामध्ये स्वच्छता निरीक्षक या पदावर सन 2024 मध्ये निवड करण्यात आलेली होती.

वरील प्रशिक्षणासाठी त्यांची निवड झाल्यामुळे तहसीलदार डॉ. अभिजित जाधव, निवासी नायब तहसीलदार अभिजित सोनवणे, नायब तहसीलदार तुषार गुंजवटे, मुख्याधिकारी तथा प्रशासक निखिल मोरे,तलाठी संघटनेचे अध्यक्ष लक्ष्मण अहिवळे तसेच विविध अधिकारी व कर्मचारी यांनी अभिनंदन केले आहे.