कोळकी जिल्हा परिषद गटाचे उमेदवार जयकुमार शिंदे व जाधववाडी (फ)पंचायत समितीचे उमेदवार युवराज सस्ते चेअरमन यांच्या प्रचाराचा शुभारंभ ॲड. जिजामाला रणजितसिंह नाईक निंबाळकर यांच्या शुभहस्ते संपन्न

फलटण प्रतिनिधी -

कोळकी जिल्हा परिषद गटाचे उमेदवार जयकुमार शिंदे व जाधववाडी (फ)पंचायत समितीचे उमेदवार युवराज सस्ते चेअरमन यांच्या प्रचाराचा शुभारंभ माजी जिल्हा परिषद तथा जिल्हा नियोजन समितीच्या सदस्या ॲड. जिजामाला रणजितसिंह नाईक निंबाळकर यांच्या शुभहस्ते झाला यावेळी शेकडो मतदार बंधू भगिनी उपस्थित होते.

माजी खासदार रणजितसिंह नाईक निंबाळकर यांचे अत्यंत विश्वासू सहकारी जयकुमार शिंदे व युवराज सस्ते चेअरमन यांची उमेदवारी जाहीर होताच या दोन्ही उमेदवारांनी गाव वाडी वस्तीवर या दोन्ही उमेदवारांचा मोठा मित्र परिवाराने या उमेदवारांचे स्वागत करण्यात आले असून शिंदे व सस्ते हे दोन्ही उमेदवार अत्यंत लोकप्रिय असून सर्वांच्या सुख दुःखात सहभागी होऊन आपला मोठा मित्र परिवार समूह यांच्या प्रचारात अगदी पहिल्या दिवशी पासून हिरीरीने सहभागी झाला असून मतदारांपर्यंत भाजपचे विकासाचे धोरण पोहोचवीत आहेत.

दरम्यान माजी पाणीदार खासदार रणजितसिंह नाईक निंबाळकर तसेच आमदार सचिन पाटील यांच्या माध्यमातून केंद्र व राज्य सरकारच्या माध्यमातून रस्ते,जलजीवन,आरटीओ ऑफिस, जिल्हा सत्र न्यायालय, आळंदी पंढरपूर भक्ती मार्ग, फलटण बारामती रस्ता,आसू वारूगड रस्ता, फलटण आदर्की रस्ता, फलटण दहिवडी रस्ता त्याच बरोबर इतर विकासकामे यांचे उदाहरण देत आता आपल्या फलटण तालुक्यातील विकासाचा बॅक लॉग भरून काढण्यासाठी भाजपचा झेंडा जिल्हा परिषद व पंचायत समितीवर फडकविण्यासाठी युवक मोठ्या प्रमाणात प्रचाराची धुरा सांभाळत आहेत.

दरम्यान नीरा देवधर,धोम बलकवडी या सारखे प्रकल्प माजी खासदार रणजितसिंह नाईक निंबाळकर यांनी अतोनात प्रयत्न करीत आपला फलटण तालुका अगदी शंभर टक्के हिरवागार होणार असल्याने आपल्या जयकुमार शिंदे व युवराज सस्ते यांच्या विजयासाठी महिला तसेच युवक वर्ग मोठ्या प्रमाणावर प्रचाराची धुरा सांभाळत असून या मुळे जयकुमार शिंदे व युवराज सस्ते यांना मतदारांचा प्रचंड प्रतिसाद मिळत आहे.