जनसेवेचा व सामाजिक बांधिलकीचा तेजस्वी चेहरा : सनी अहिवळे

फलटण शहरातील मंगळवार पेठ म्हटले की समाजहितासाठी सतत झटणारे, लोकांच्या अडचणी स्वतःच्या समजणारे, आणि विकासकामांना प्राधान्य देणारे नाव म्हणजे माजी नगरसेवक सनी अहिवळे. आपल्या लोकाभिमुख कार्यपद्धतीमुळे त्यांनी मंगळवार पेठेतील नागरिकांच्या मनात एक वेगळी जागा निर्माण केली आहे. सोमवार दिनांक १० नोव्हेंबर त्यांचा वाढदिवस त्यानिमित्ताने त्यांच्या अष्टपैलू व्यक्तिमत्त्वाचा आढावा घेण्याचा हा प्रयत्न.

विधान परिषदेचे माजी सभापती आमदार श्रीमंत रामराजे नाईक निंबाळकर, कृषी उत्पन्न बाजार समितीचे चेअरमन श्रीमंत रघुनाथराजे नाईक निंबाळकर, सातारा जिल्हा परिषदेचे माजी अध्यक्ष श्रीमंत संजीवराजे नाईक निंबाळकर यांच्या विचार व आचारांवर सनी अहिवळे यांनी कायमच श्रद्धा ठेऊन राजकीय व सामाजिक जीवनात काम केले आहे.

सनी अहिवळे यांनी नगरसेवकपद भूषवताना “सेवा हीच साधना” हे तत्व आचरणात आणले. केवळ राजकारणापुरते मर्यादित न राहता समाजसेवा, शिक्षण, आरोग्य, स्वच्छता, खेळ आणि सांस्कृतिक क्षेत्रात त्यांनी उल्लेखनीय कार्य केले आहे. त्यांच्या सामाजिक व राजकीय कामात त्यांच्या सुविद्य पत्नी सौ. सुपर्णा वहिनी यांचे मोठे योगदान असते. 

सामाजिक उपक्रमांची मोठी परंपरा

करोना काळात जेव्हा सर्वत्र भीती आणि अंधार होता, तेव्हा सनी अहिवळे हे आशेचा किरण बनले. करोना काळात एक महिना रोज मंगळवार पेठेमध्ये उत्तम दर्जाचे जेवण लोकांना पुरविले. दोन वेळा किराणा किट वाटप करून अनेक कुटुंबांचे पोट भरले. मोफत कोरोना टेस्ट आणि लसीकरण मोहिमा राबवून आरोग्य जनजागृती केली.

आरोग्य क्षेत्रात त्यांनी मोफत डोळे तपासणी शिबिर, चष्मे वाटप, रक्तदान शिबिरे, तसेच महिलांसाठी आरोग्य शिबिरे व मेळावे आयोजित केले होते. सातत्याने आरोग्य विषयक कार्यक्रमांमध्ये त्यांनी पुढाकार घेतला आहे. जनतेचे आरोग्यमान सुधारावे यासाठी ते सातत्याने प्रयत्नशील असतात 

 शिक्षण क्षेत्रातील योगदान

दरवर्षी शालेय विध्यार्थीना वह्या, दप्तर आणि शालेय वस्तूंचे वाटप करण्यात ते आग्रही असतात. आर्थिक दुर्बल विध्यार्थीना शालेय साहित्य मिळावे तथा त्यांना शालेय जीवनामध्ये आर्थिक सहकार्य मिळावे यासाठी सनी अहिवळे सातत्याने सहकार्याची भूमिका ठेवतात.  

10 वी व 12वी उत्तीर्ण विद्यार्थ्यांचा यथोचित सत्कार करुन त्यांना भविष्यात प्रेरणा मिळावी यासाठी सनी दादा प्रयत्नशील असतात. स्पर्धा परीक्षेमध्ये यश मिळवलेल्या विद्यार्थ्यांचा गौरव करुन त्यांना शाबासकीची थाप देतात. 

विद्यार्थ्यांकरिता चित्रकला, निबंध स्पर्धांचे आयोजन करून विद्यार्थ्यांच्या कलागुणांना वाव देण्यासाठी ते नेहमीच प्रोत्साहन देतात.

मंगळवार पेठेचा चेहरामोहरा बदलण्यासाठी स्वच्छता, समाजविकास आणि विविध सुविधा देण्यात सनीदादा नेहमीच आग्रही असतात. वच्छता अभियान, डस्टबिन वाटप असे कार्यक्रम त्यांच्या माध्यमातून राबवले जातात.  

रस्ते, विज, गटार अशा कोट्यवधी रुपयांच्या विकासकामांचे प्रकल्प त्यांनी मंगळवार पेठे मध्ये प्रामुख्याने राबविले आहेत. व्यायामशाळा, वाचनालय, समाजमंदिर, शौचालय आणि प्राथमिक शाळा बांधणी यांमुळे मंगळवार पेठ आज एक आदर्श विभाग म्हणून ओळखला जातो याचे श्रेय सनी अहिवळे यांनाच जाते हे वेगळे सांगण्याची गरज नाही. 

सनी अहिवळे यांनी नेहमीच दुर्बल घटकांना आधार दिला आहे. अनाथाश्रमात जीवनावश्यक वस्तूंचे वाटप, वृद्धाश्रमात साडी, शाल व फळांचे वाटप, गरजूंना आर्थिक मदत करण्यातही सनीदादा नेहमीच अग्रेसर असतात. महाराष्ट्रातील अतिवृष्टीच्या काळात सांगलीमध्ये पूरग्रस्तांना जीवनावश्यक वस्तूंचे वाटप करण्यात सनीदादांचा मोठा वाटा राहिला आहे. प्रतीवर्षी संतश्रेष्ठ ज्ञानेश्वर माऊली पालखी सोहळ्याला अन्नदान ही त्यांची खरी ओळख आहे.

महिलांसाठी प्रेरणादायी कार्य

दरवर्षी ८ मार्च महिला दिनानिमित्त "आदर्श महिला पुरस्कार" देऊन त्यांनी अनेक महिलांना सामाजिक सहभागासाठी प्रेरित केले आहे.

“राजकारण हे केवळ पदासाठी नाही तर लोकांच्या हितासाठी असावे” — हे सनी अहिवळे यांचे ब्रीदवाक्य आहे. शासनाच्या विविध योजनांचा लाभ प्रत्येक नागरिकापर्यंत पोहोचवण्याचे कार्य त्यांनी सातत्याने केले आहे. 

अशा या लोकसेवकाला, जनतेच्या मनात घर करणाऱ्या माजी नगरसेवक सनी अहिवळे यांना वाढदिवसाच्या मनःपूर्वक शुभेच्छा!

आपले सामाजिक कार्य असेच प्रेरणादायी राहो, आणि आपले नेतृत्व लोकांसाठी आशेचा दीप ठरो हीच मंगलमय शुभेच्छा!