दोन जुगार अड्डयावर छापा : तीन जणांविरोधात गुन्हा दाखल

फलटण प्रतिनिधी:- फलटण ग्रामीण पोलिस हद्दीतील आसू व बरड येथे पोलिसांनी दोन जुगार अड्ड्यावर कारवाई केली असून एकूण तीन जणांच्या विरोधात ग्रामीण पोलिस ठाण्यात गुन्हा दाखल करण्यात आला आहे.

फलटण ग्रामीण पोलिस ठाण्यातून मिळालेल्या माहितीनुसार, पहिल्या कारवाईत दिंनाक १० रोजी ३:३० वाजण्याचा सुमारास मौजे बरड ता. फलटण गावचे हद्दीत एस. बी. आय. बँकेसमोर असले पत्र्याचे टपरीचे आडोशाला उघडयावर संपत खंडू लोंढे (वय ५१ वर्षे रा. बरड ता. फलटण) याने कल्याण नावचा मटका जुगार मालक जयकुमार शंकरराव पवार (रा.मलटण, फलटण ता. फलटण) यांचे सांगण्यावरुन स्वतः चे व त्याचे आर्थिक फायद्याकरीता लोकांचेकडून पैजेवर पैसे स्विकारुन कल्याण नावचा मटका घेत असताना ४ हजार ९९५ रुपये किंमतीचा जुगाराचे साहित्य व रोख रक्कम मुद्देमाल आढळून आला. याप्रकरणी पो.ना अमोल जगदाळे यांनी दिलेल्या फिर्यादीनुसार ग्रामीण पोलिस ठाण्यात गुन्हा दाखल करण्यात आला आहे.

दुसऱ्या कारवाईत दिंनाक १० रोजी ५ वाजण्याचा सुमारास मौजे आसू ता. फलटण गावचे हद्दीत हद्दीत एस.टी. बस. स्टॅण्डचे पाठीमागे उघडयावर इसम नामे विकास दौलतराव पवार (वय २७ वर्षे रा. आसू ता. फलटण, जि. सातारा) याने कल्याण नावचा मटका जुगार मालक जयकुमार शंकरराव पवार (रा. मलटण, फलटण ता. फलटण) यांचे सांगण्यावरुन स्वतःचे व त्याचे आर्थिक फायद्याकरीता लोकांचेकडून पैजेवर पैसे स्विकारुन कल्याण नावचा मटका घेत असताना ३ हजार ४४५ रुपये किंमतीचा जुगाराचे साहित्य व रोख रक्कम मुद्देमाल आढळून आला. याप्रकरणी पो.ना अमोल जगदाळे यांनी दिलेल्या फिर्यादीनुसार ग्रामीण पोलिस ठाण्यात गुन्हा दाखल करण्यात आला आहे.