महिलांच्या आरोग्यासाठी शासनाच्या विविध योजना : आमदार सचिन पाटील

फलटण प्रतिनिधी :

महिलांचे आरोग्य उत्तम राहण्यासाठी शासन विविध योजना राबवत आहे. महिलांनी शासकीय दवाखान्यातून आपल्या आरोग्याची तपासणी करून घ्यावी त्यासाठी कोणतेही शुल्क आकारले जाणार नाही. कुटुंबाची काळजी घेणाऱ्या आई व बहिणींचे आरोग्य उत्तम असले पाहिजे त्यासाठी शासनाने विविध योजना राबवल्या असून घरातील महिला सशक्त असेल तर कुटुंब सशक्त होईल असे आमदार सचिन पाटील म्हणाले. प्राथमिक आरोग्य केंद्रराजाळे ता.फलटण येथे देशाचे लाडके पंतप्रधान नरेंद्रजी मोदी यांच्या ७५ व्या वाढदिवसाच्या निमित्ताने स्वस्थ नारी सशक्त परिवार अभियानास आमदार सचिन पाटील यांच्या शुभहस्ते प्रारंभ करण्यात आला.त्यावेळी ते बोलत होते.

यावेळी प्रांताधिकारी सौ. प्रियांका आंबेकर, तहसीलदार डॉ. अभिजीत जाधव, पंचायतराज अभियानाचे संपर्क सचिव तथा जिल्हा परिषद मुख्य लेखा-वित्त अधिकारी राहुल कदम, लेखा अधिकारी समाधान चव्हाण, तालुका कृषी अधिकारी दत्तात्रय गायकवाड, प्रभारी गटविकास अधिकारी सतीश कुंभार, नायब तहसीलदार अभिजित सोनवणे, नायब तहसीलदार सौ देवकाते मॅडम, नायब तहसीलदार तुषार गुंजवटे, मंडळ कृषी अधिकारी बरड स्वप्निल बनकर, भाजपा जिल्हा सरचिटणीस जयकुमार शिंदे, माजी सनदी अधिकारी विश्वासराव भोसले, सरपंच सौ कविता महिपाल, माजी सरपंच सौ. सविता शेडगे, सौ स्वाती दोंदे, सौ. पद्मावती शेडगे, माजी सरपंच मोहनराव सुतार, उपसरपंच प्रेमचंद भोईटे, सोसायटी चेअरमन नीलकंठ धुमाळ, माजी चेअरमन मारुती जाधव, संपतराव जाधव, गणपतराव निंबाळकर, व्हा.चेअरमन बापुराव देशमुख, सर्व सोसायटी व ग्रामपंचायत सदस्य, पोलीस पाटील महेश शेडगे, सौ अश्विनी शेडगे, बचत गटाच्या महिला पदाधिकारी, केंद्र शाळा प्रमुख सौ छाया भोसले, महसूल अधिकारी, मंडळ अधिकारी कैलास जाधव, डॉ. पारवे पाटील, आशा/अंगणवाडी सेविका, ग्रामपंचायत अधिकारी आनंदराव गुरव, ग्रामपंचायत कर्मचारी यांच्यासह मोठ्या संख्येने ग्रामस्थ व महिला उपस्थित होत्या.