श्रीराम एज्युकेशन सोसायटी मधून शिक्षण घेतलेले हजारो विद्यार्थी विविध क्षेत्रांमध्ये उच्चस्त पदावरती विराजमान : डॉ. सचिन सुभाषराव सूर्यवंशी

फलटण प्रतिनिधी : श्रीराम एज्युकेशन सोसायटीची स्थापना १० जून, १९५९ साली झाली. कर्मवीर भाऊराव पाटील यांचे बहुमोल मार्गदर्शन मिळाले. कर्मयोगी कै. नामदेवराव बळवंतराव सूर्यवंशी (बेडके) उर्फ नाना व कै. सुभाषराव नामदेवराव सूर्यवंशी (बेडके) उर्फ काका यांच्या आशीर्वादाने श्रीराम एज्युकेशन सोसायटीच्या विविध प्रशालेमधून आज हजारो विद्यार्थी शिक्षण घेऊन समाजात विविध क्षेत्रांमध्ये उच्चस्त पदावरती विराजमान झालेले आहेत याचा अभिमान असल्याचे श्रीराम एज्युकेशन सोसायटी फलटणचे मानद सचिव डॉ. सचिन सुभाषराव सूर्यवंशी (बेडके) यांनी सांगितले. ते डॉ.बाबासाहेब आंबेडकर समाज भूषण पुरस्कार प्राप्त श्रीराम एज्युकेशन सोसायटी फलटणचा ६६ वा वर्धापन दिना निमित्त झालेल्या कार्यक्रमात बोलत होते. त्यावेळी संस्थेच्या नियामक मंडळाचे सदस्य महेंद्र सुभाषराव सूर्यवंशी (बेडके), जिल्हा शिक्षण प्रशिक्षण केंद्र फलटणचे अधिव्याख्याता व तालुका संपर्कप्रमुख डॉ. सतीश फरांदे, अधिव्याख्याता कृष्णा फडतरे, गट समन्वयक सौ दमयंती कुंभार आदी मान्यवर उपस्थित होते.

शैक्षणिक वर्ष २०२४-२५ मध्ये यशवंतराव चव्हाण हायस्कूल व ज्युनिअर कॉलेज फलटण व सौ वेणूताई चव्हाण गर्ल्स हायस्कूल व ज्युनिअर कॉलेज फलटण मधील इयत्ता दहावी व बारावी मध्ये प्रथम तीन क्रमांक मिळविलेल्या गुणवंत विद्यार्थ्यांचा तसेच NMMS, स्कॉलरशिप, संस्कृत स्कॉलरशिप, दत्तक पालक योजना, इलेमेंटरी परीक्षा यामध्ये उज्वल यश संपादन केलेल्या विद्यार्थ्यांचा त्यांच्या पालकांसमवेत उपस्थित मान्यवरांच्या हस्ते सत्कार करण्यात आला. संस्थेच्या वर्धापन दिनानिमित्त प्रशालेमध्ये चित्रकला स्पर्धेचे आयोजन करण्यात आले होते तसेच विद्यार्थ्यांना स्पर्धा परीक्षा व स्कॉलरशिप परीक्षेविषयी मार्गदर्शन कार्यशाळेचे आयोजन करण्यात आले होते.

कार्यक्रमाच्या सुरुवातीस इयत्ता दहावी व इयत्ता बारावी बोर्ड परीक्षेत प्रथम क्रमांक आलेल्या विद्यार्थ्यांच्या नावाने, त्यांच्या हस्ते पालकांसमवेत व मान्यवरांच्या हस्ते वृक्षारोपण करण्यात आले.

कार्यक्रम यशस्वी प्रशालेचे प्रभारी प्राचार्य घनवट पी. डी. यांच्या सह शिक्षकांनी अथक परिश्रम घेतले. महम्मद रफीक पठाण सर यांनी शिक्षकांना सखोल मार्गदर्शन केले. प्रास्ताविक कु. सस्ते आर.एस. यांनी केले, 

सूत्रसंचालन सौ. तगारे एस एम तर आभार सौ अडसूळ एस. सी. यांनी मानले. कार्यक्रमाकरिता चारही शाखांचे प्राचार्य, उपप्राचार्य, शिक्षक, शिक्षिका, शिक्षकेतर कर्मचारी व विद्यार्थी, पालक मोठ्या संख्येने उपस्थित होते.