सासकल (ता. फलटण ) ग्रामपंचायत चे भ्रष्टाचार प्रकरण संपणार का?

फलटण : मोजे सासकल ता. फलटण येथील सासकल ग्रामपंचायत च्या वतीने तत्कालीन सरपंच व ग्रामसेवक यांनी केलेल्या भ्रष्टाचाराची प्रकरणे संपता संपेना. येत्या १५ ऑगस्ट ला बरोबर वर्ष होईल. गेल्या १५ ऑगस्ट २०२१ ला सासकल जन आंदोलन समितीच्या वतीने आत्मदहनाचा इशारा देण्यात आला होता. तेव्हा प्रशासनाने कारवाई करतो असे सांगून प्रकरण मिटवण्याचा प्रयत्न केला होता. लोकांचा रोष लक्षात घेऊन गटविकास अधिकारी अमिता गावडे यांनी तत्कालीन ग्रामसेवक अंगराज खाशाबा जाधव यांची एक वर्षासाठी वेतन वाढ रोखण्याचे आदेश देण्यात आले होते. मात्र कोणत्याही स्वरूपाची ठोस कारवाई केली नव्हती.

     या प्रकरणानंतर सासकल ग्रामपंचायतीच्या माध्यमातून सन २०१५ ते सन २०२२ कालावधीत करण्यात आलेल्या कामाची चौकशी केली असता प्रचंड भ्रष्टाचार झाल्याचे माहिती अधिकारात प्राप्त कागदपत्रावरून स्पष्ट झाले आहे. यासंबंधी विनायक नारायण मदने व इतर ३५ ग्रामस्थांनी मा. जिल्हाधिकारी यांचेकडे दि.३/६/२०२२ रोजीचा मान. जिल्हाधिकाऱ्यांना प्राप्त अर्ज तारीख ६/६/२०२२ मौजे सासकल तालुका फलटण जिल्हा सातारा येथील गैर कारभाराची व भ्रष्टाचाराची त्रयस्थ यंत्रणेमार्फत चौकशी व दोषींवर कारवाई करण्याबाबत अर्ज करण्यात आला होता.यावर मान उप जिल्हाधिकारी (महसूल) जिल्हाधिकारी कार्यालय सातारा यांनी क्र.मह/३/अभि/का/१५४७/२०२२ दि.६/६/२०२२ रोजी मुख्य कार्यकारी अधिकारी जिल्हा परिषद सातारा यांच्याकडे पुढील कार्यवाहीसाठी प्रकरण पाठवण्यात आले होते. सदर पत्रामध्ये अर्जदार यांचे संदर्भीय अर्जातील मागणीचे अनुषंगाने नियमानुसार उचित कारवाई करावी व केलेल्या कारवाईबाबत अर्जदार यांना आपल्या कार्यालयाचे स्तरावरून परस्पर अवगत करण्यात यावे अशी आदेश देण्यात आले होते. त्यानंतर १८ दिवस उलटले तरी कोणतीही कारवाई केल्याचे दिसून येत नाही.

    याच संबंधात मान. उप आयुक्त (आस्थापना) पुणे विभाग पुणे यांच्याकडे २७/०६/२०२२ रोजी तक्रार करण्यात आली होती. त्यांनीही मान. जिल्हाधिकारी यांना दिनांक २८/६/२०२२ रोजी क्र.विकास/आस्था/ग्रा.पं.-२/कावि-४५०/२०२२ दि.२८/६/२०२२ रोजी पत्र देण्यात आले. मान. जिल्हाधिकारी यांना सांगण्यात आले आहे की सदर अर्जात नमूद विषयाबाबत सविस्तर चौकशी करून नियमानुसार तात्काळ उचित कारवाई करावी व केलेल्या कारवाईबाबत संबंधित अर्जदार यांना परस्पर कळवण्यात यावे. यावरही एक महिना उलटला तरी कोणतेही कारवाई झाली नसल्याचे लक्षात येत आहे. त्यामुळे अर्जदार ग्रामस्थ संतप्त झाले असून येत्या १५ ऑगस्ट २०२२ ला पंचायत समिती फलटण कार्यालय, ग्रामपंचायत सासकल येथे आमरण उपोषण करण्याचा इशारा ग्रामस्थांनी दिला आहे.सदर अर्जामध्ये देण्यात आलेले पुरावे स्पष्ट व वास्तवता दर्शवणारे असताना जाणीवपूर्वक प्रशासन चौकशी कामे दिरंगाई करत आहे. अशीच दिरंगाई यापूर्वी करून सास्कल समाज मंदिर दुरुस्ती व बुद्ध मंदिर दुरुस्ती व बेरडकी येथील विद्युत लाईटच्या पोलचे प्रकरण कायदेशीर बाबीत बसून दोषींवर नाममात्र कारवाई यापूर्वी प्रशासनाने केली आहे.हे ही प्रकरण असेच दडपण्याचा प्रशासनाचा हेतू असल्याचं दिसून येत आहे. वरील संदर्भीय अर्जामध्ये ज्या काही तक्रारी करण्यात आलेले आहे त्याचे सबळ पुरावे तक्रारदारांकडे असल्यामुळे तत्कालीन सरपंच विभूती मोहन मुळीक, लता विकास मुळीक व ग्रामसेवक अंगराज खशाबा जाधव यांच्यावर कडक कारवाई करण्याची मागणी ग्रामस्थांनी केली आहे.