जिंती येथील चिमुकला राघव रणवरे मंथन स्पर्धा परीक्षेत महाराष्ट्रात दुसरा

 फलटण प्रतिनिधी -

मंथन स्पर्धा परीक्षेत जिंती ता.फलटण येथील राघव राहुल रणवरे इयत्ता दुसरी हा चिमुकला झळकला असून त्याने 150 पैकी 148 गुण प्राप्त करून महाराष्ट्रात दुसरा क्रमांक मिळवला आहे.

जिंती ता.फलटण येथील जिल्हा परिषदेच्या शाळेत शिकणारा हा चिमुकला राघव दुसरी मध्ये शिकत असून त्याच्या या उत्तुंग यशाने त्याचे सर्व स्तरातून अभिनंदन तसेच कौतुक होत आहे. दरम्यान त्याच्या या यशामध्ये त्याची जिद्द चिकाटी व त्याला आपले आईवडील तसेच शिक्षकांचे सहकार्य व मार्गदर्शन लाभले आहे.

दरम्यान ही मंथन स्पर्धा परीक्षा म्हणजे मंथन वेलफेअर फाऊंडेशनद्वारे घेतली जाणारी राज्यस्तरीय सामान्य ज्ञान स्पर्धा परीक्षा आहे. ही परीक्षा इयत्ता १ ली ते ८ वी च्या विद्यार्थ्यांसाठी असते,मराठी, इंग्रजी आणि सेमी-इंग्रजी तिन्ही माध्यमात उपलब्ध आहे.

 मंथन वेलफेअर फाऊंडेशन (Manthan Welfare Foundation) ही एक ना-नफा संस्था आहे. 2017 पासून परीक्षा घेत आहे. याचा उद्देश विद्यार्थ्यांमधील बौद्धिक क्षमता, सामान्य ज्ञान वाढवणे, गंभीर विचार कौशल्ये विकसित करणे आणि जिज्ञासू बनवणे असतो या मध्ये राघव ने मिळविलेले यश जिंती सह सातारा जिल्ह्याचा लौकिक वाढविणारा आहे.