रिपाई ची राजकीय रणनीती संदर्भात शुक्रवार दिनांक ११ जुलै रोजी फलटण येथे बैठक : नगरपालिका, पंचायत समिती, जिल्हा परिषद या निवडणूकीची रणनीती ठरणार

फलटण प्रतिनिधी - 

नगरपालिका,पंचायत समिती, जिल्हा परिषदा या स्थानिक स्वराज्य संस्थांचा होणाऱ्या निवडणुकी संदर्भात सविस्तर चर्चा करुन पुढील रिपाई ची राजकीय रणनीती संदर्भात उदया दिनांक ११ जुलै २०२५ रोजी दुपारी साडेबारा वाजता फलटण येथील बांधकाम विभागाच्या विश्रामगृहावर महत्वपूर्ण बैठकीचे आयोजन करण्यात आल्याची माहिती तालुका अध्यक्ष सतीश अहिवळे व फलटण शहराध्यक्ष लक्ष्मण अहिवळे यांनी दिली. 

या बैठकीला रिपब्लिकन पार्टी ऑफ इंडियाचे पश्चिम महाराष्ट्र अध्यक्ष अशोकराव गायकवाड, मधुकर काकडे पश्चिम महाराष्ट्र संघटक, प्रमोद काकडे मुंबई प्रदेश संघटक, विजय येवले जिल्हा सचिव सातारा, संजय निकाळजे जिल्हा सदस्य सातारा, राजू मारुडा जिल्हा उपाध्यक्ष सातारा हे मान्यवर मार्गदर्शक करणार आहेत.

रिपब्लिकन पार्टी ऑफ इंडियाच्या ( आठवले गट ) फलटण तालुकास्तरीय या महत्वपूर्ण बैठकीमध्ये आगामी येऊ घातलेल्या नगरपालिका, पंचायत समिती, जिल्हा परिषद या निवडणूकीची रणनीती ठरणार असून असल्याचे सांगण्यात आले आहे. तसेच साखरवाडी येथील शासकीय जागेवर बुद्ध विहार होण्यासाठी पुढील रणनीती ठरविणे आणि विविध विषयांवर चर्चा करण्यात येणार आहे. 

 या बैठकीसाठी फलटण तालुका व शहरातील कार्यकर्त्यांनी उपस्थित रहावे असे आवाहन तालुका अध्यक्ष सतीश अहिवळे फलटण शहराध्यक्ष लक्ष्मण अहिवळे महिला आघाडी प्रमुख विमलताई काकडे व सारिका अहिवळे यांनी केले आहे.