खा. रणजितसिंह नाईक-निंबाळकर फलटणमध्ये उभारणार 75 बेड्सचे कोरोना सेंटर
भाजपा उपाध्यक्ष जयकुमार शिंदे यांची माहिती
टीम : धैर्य टाईम्स
‘सध्या फलटण तालुक्यात कोरोनाचा प्रादुर्भाव मोठ्या प्रमाणात वाढत चाललेला आहे. फलटण तालुक्यातील नागरिकांना सध्या फलटणमध्ये कोरोना उपचारासाठी बेड्स मिळत नाहीत. अशी सर्व परिस्थिती असताना माढा लोकसभा मतदारसंघाचे खा. रणजितसिंह नाईक-निंबाळकर हे स्वखर्चाने फलटण शहराच्या मध्यवर्ती भागात म्हणजेच रविवार पेठेमधील उत्कर्ष लॉज येथे 75 बेड्सचे कोरोना केअर सेंटर सुरू करणार आहेत,’ अशी माहिती भारतीय जनता पार्टीचे सातारा जिल्हा उपाध्यक्ष जयकुमार शिंदे यांनी दिली.
फलटण : ‘सध्या फलटण तालुक्यात कोरोनाचा प्रादुर्भाव मोठ्या प्रमाणात वाढत चाललेला आहे. फलटण तालुक्यातील नागरिकांना सध्या फलटणमध्ये कोरोना उपचारासाठी बेड्स मिळत नाहीत. अशी सर्व परिस्थिती असताना माढा लोकसभा मतदारसंघाचे खा. रणजितसिंह नाईक-निंबाळकर हे स्वखर्चाने फलटण शहराच्या मध्यवर्ती भागात म्हणजेच रविवार पेठेमधील उत्कर्ष लॉज येथे 75 बेड्सचे कोरोना केअर सेंटर सुरू करणार आहेत,’ अशी माहिती भारतीय जनता पार्टीचे सातारा जिल्हा उपाध्यक्ष जयकुमार शिंदे यांनी दिली.
खा. रणजितसिंह नाईक-निंबाळकर यांनी नुकतीच सातारा जिल्हा परिषदेचे मुख्य कार्यकारी अधिकारी विनय गौडा यांच्या उपस्थितीत फलटण तालुक्यातील कोरोना आढावा बैठक घेतली. त्यावेळी फलटणमध्ये कोरोनाबाधित रुग्णांना बेड्स मिळत नसल्याचे खा. रणजितसिंह नाईक-निंबाळकर यांच्या समोर आले. त्यामुळे खा. रणजितसिंह नाईक-निंबाळकर व फलटण नगरपरिषदेचे विरोधी पक्षनेते समशेरसिंह नाईक-निंबाळकर यांच्या माध्यमातून फलटण शहरातील रविवार पेठेमधील उत्कर्ष लॉज येथे सर्व सोयीसुविधा युक्त कोरोना केअर सेंटर सुरू करण्यात येणार आहे.
या कोरोना केअर सेंटरमध्ये ऑक्सिजनसह व्हेंटिलेटर बेड्स सुद्धा सुरू करण्यात येणार आहेत. या सोबतच रेग्युलर बेड्स सुद्धा कोरोना केअर सेंटरमध्ये असणार आहेत. आगामी काळामध्ये गरज भासल्यास बेड्स वाढवण्यासाठीची तयारी सुद्धा यावेळी खा. रणजितसिंह नाईक-निंबाळकर व विरोधी पक्षनेते समशेरसिंह नाईक-निंबाळकर यांनी दर्शवली आहे.
याबाबत अधिक माहिती देताना भाजपा जिल्हा उपाध्यक्ष जयकुमार शिंदे म्हणाले, सदर कोरोना केअर सेंटरबाबतचा प्रस्ताव फलटणचे उपविभागीय अधिकारी डॉ. शिवाजी जगताप यांच्याकडे सादर केलेला आहे. खा. रणजितसिंह नाईक-निंबाळकर व विरोधी पक्षनेते समशेरसिंह नाईक-निंबाळकर यांच्या माध्यमातून फलटण शहरासह तालुक्यातील सर्वसामान्य नागरिकांना कोरोनाचे उपचार तातडीने मिळावेत, यासाठी कोरोना केअर सेंटर उभारण्यात आलेले आहे.
शासनाच्या माध्यमातून या कोरोना केअर सेंटरला मान्यता देऊन येथे डॉक्टर व वैद्यकीय स्टाफ देण्यात यावा. या व्यतिरिक्त इतर सर्व खर्च हा खा. रणजितसिंह नाईक-निंबाळकर हे स्वतः करणार आहेत. जर राज्य शासनाच्या माध्यमातून येथे डॉक्टर व वैद्यकीय स्टाफ उपलब्ध करून दिला नाही तर खा. रणजितसिंह नाईक-निंबाळकर हे स्वतः सर्व स्टाफची नेमणूक करून कोरोना केअर सेंटर सुरू करणार आहेत.
संबंधित बातम्या
