विक्रम गॅस एजन्सीचा भोंगळ कारभार : पुरवठा विभागाच्या अधिकाऱ्यांनी केला तब्बल चार लाख रुपयांचा दंड

फलटण प्रतिनिधी - 

विक्रम गॅस एजन्सी चा भोंगळ कारभाराचा थेट पंचनामा करीत पुरवठा विभागाच्या अधिकाऱ्यांनी तब्बल चार लाख रुपयांचा दंड ठोठावला असून या पुढे कारभार न सुधारल्यास एजन्सी रद्द करण्यात येणार असल्याचे जिल्हा पुरवठा अधिकारी यांनी दिला आहे.

दरम्यान युद्धाच्या पार्श्वभूमीवर सध्या गॅस पुरवठा थोडा विस्कळीत झाला होता मात्र केंद्र सरकारच्या माध्यमातून तो पुरवठा सुरळीत केला असताना विक्रम गॅस एजन्सी कार्यालयाजवळ ग्राहकांची प्रचंड गर्दी होत असून लोक गॅस सिलेंडर साठी वीस ते पंचवीस किलोमीटर वरून सकाळी आठ वाजलेपासून लोक उन्ह पाऊस याची तमा न बाळगता ज्येष्ठ नागरिक तसेच महिला भगिनी तसेच अपंग लोक गॅस सिलिंडर मिळत नसल्याने दिवस दिवस ताटकळत असल्याचे दिसून आले तरीही गॅस एजन्सी चे अधिकारी व कर्मचारी ग्राहकांना व्यवस्थित उत्तरे देत नाहीत उलट आरेतूरे बोलत आहेत.

दरम्यान या बाबत अनेकांनी स्थानिक पत्रकारांशी संवाद साधला व हकीकत सांगितली या मध्ये अनेकांचा गॅस सिलेंडर चा नंबर लाऊन तब्बल एक महिना झाला तरीही गॅस सिलेंडर मिळाला नाही,तसेच अनेकांच्या गॅस सिलिंडरच्या टाक्या इतरांच दोन हजार रुपये किमतीला विकल्याची माहिती ग्राहकांनी दिली त्याचा बरोबर काही टाक्या व्यावसायिक लोकांना त्यातील गॅस व्यावसायिक गॅस सिलेंडर मध्ये भरून देत आहेत तसेच काही टाक्यातील गॅस काढून घेतले जात असल्याचे दिसून येत असून 14.5 किलो वजन असल्या तरी त्यात 10 किलोच गॅस आढळत असून वजन कमी असल्याचे दिसून आले तरीही वजन करून देत नाहीत यामुळे विक्रम गॅस एजन्सी च्या मुजोरीने ग्राहक वैतागले असून बुधवार दिनांक १ एप्रिल रोजी सकाळी ग्राहकांनी कार्यालयाला टाळे बघून कार्यालय पेटवण्याची धमकी दिली मात्र त्या नंतर पुरवठा शाखेचे अधिकारी कांबळे यांनी भेट देत चांगलीच खरडपट्टी करीत पहिले चार लाख रुपये दंड वसूल झाला नसून आता सुधारणा करा व ग्राहकांना गॅस सिलेंडर द्यावा अन्यथा पुन्हा दंडात्मक कारवाई करण्याची लेखी सूचना दिली आहे.