बरड येथे बारा वर्षाच्या मुलीचा विनयभंग पोक्सो सह ऍट्रॉसिटी अंतर्गत गुन्हा दाखल : तिघांना अटक

फलटण प्रतिनिधी - बरड ता.फलटण येथील 12 वर्षाच्या मुलीचा विनयभंग झाला असून या प्रकरणी पोक्सो सह ऍट्रॉसिटी अंतर्गत गुन्हा दाखल झाला असून त्याच गावातील 3 संशयित आरोपीना अटक करण्यात आली आहे. यासंबंधी फलटण ग्रामीण पोलीस स्टेशन मधून मिळालेले सविस्तर हकीकत अशी.

बरड ता. फलटण येथील संबंधित 12 वर्षाच्या मुलीला त्याच गावातील महादेव मंदिरा जवळ सौरभ राजेंद्र लोंढे याने बोलावून घेतले व तिच्या पुढे येऊन वाईट हेतूने तिचा उजवा हात धरून तिच्या मनात लज्जा उत्पन्न होईल अशी कृत्य करून तिला तुला हो म्हणायचे की नाही? नाहीतर मी तुझ्याकडे बघतो असे म्हणून दमदाटी केली व दिनांक 11/10/2023 रोजी सायंकाळी 05:15 चे सुमारास शाळेतून घरी येत असताना तिची ओढणी धरून ओढली आणि हो किंवा नाही शेवटचे सांग असे म्हणाला. तसेच गणेश बंडू मदने व यश राजेंद्र अडके हे दोघे संबंधित मुलगी ही शाळेत जाता येता मारुती मंदिराच्या कोपऱ्यावर व चौकात उभे राहून डोळा मारून खुणवत होते.

गणेश बंडू मदने,यश राजेंद्र अडके व सौरभ राजेंद्र लोंढे यांच्या विरोधात विनयभंग व दमदाटी प्रकरणी पोक्सो व ऍट्रॉसिटी अंतर्गत गुन्हा दाखल झाला असून संशयित तिघांना अटक करण्यात आली आहे, अधिक तपास उपविभागीय पोलिस अधिकारी राहुल धस करीत आहेत.