श्री मळाई देवी पतसंस्थातर्फे कोरोनाग्रस्तांसाठी मुख्यमंत्री सहाय्यता निधीला एक लाखाची मदत : अशोकराव थोरात
टीम : धैर्य टाईम्स
श्री मळाई ग्रुप ज्ञानार्जन, अर्थार्जनाबरोबरच सामाजिक बांधीलकी जपण्याचे काम करत असते. समाजातील गरजूंना तसेच नैसर्गिक आपत्तीमध्ये पुढे होऊन सदैव मदतीचा हात समाजबांधवांना दिला जातो. समाजातील दानशूरांनी या नैसर्गिक आपत्तीला तोंड देण्यासाठी मुख्यमंत्री सहाय्यता निधीला मदत करून समाजऋणातून मुक्त व्हावे.- अशोकराव थोरात मळाई ग्रुप प्रमुख
कराड : श्री मळाईदेवी नागरी सहकारी पतसंस्था मर्यादित जखिणवाडी,यांनी कराड तालुका प्रशासनाच्या आवाहनाला प्रतिसाद देत गरजू गरीब तसेच कोरोना ग्रस्तांच्या मदतीसाठी सामाजिक बांधिलकी जपत एक लाखाचा धनादेश मान्यवरांच्या हस्ते उपनिबंधक सहकारी संस्था, कराड मनोहर माळी यांच्याकडे नुकताच सुपूर्द करण्यात आला. सामाजिक ऋणानुबंध जपल्याबद्दल कराड उपनिबंधक सहकारी संस्थेचे मनोहर माळी यांनी पतसंस्थेचे व श्री मळाई ग्रुपचे सर्वेसर्वा श्री अशोकराव थोरात (शेतीमित्र),पतसंस्थेच्या चेअरमन सौ अरुणादेवी पाटील,सचिव श्री सर्जेराव शिंदे यांचे कौतुक केले. कोरोनामुळे अडचणीत सापडलेल्या गरजू ,गरीब लोकांना मदत करण्यासाठी श्री मळाई देवी नागरी सहकारी पतसंस्थेच्यावतीने एक लाख रुपयाचा धनादेश सुहास जाधव, अजित थोरात ,आण्णासो काशीद, भरत जंत्रे, प्रशांत गावडे, सचिव सर्जेराव शिंदे, दत्तात्रय यादव , राजेंद्र येडगे, राजेंद्र पांढरपट्टे, यांचे हस्ते नुकताच सुपूर्द करण्यात आला. तसेच गेल्यावर्षी गोरगरीब लोकांना नागरी सहकारी पतसंस्थेने सहा लाखाची मदत केली यामध्ये एक लाख रुपये मुख्यमंत्री सहाय्यता निधीला दिली व समाजातील गरीब गरजू लोकांना पाच लाख रुपयांची साहित्य रुपाने मदत केली .यावर्षीही तोच आदर्श घेऊन मुख्यमंत्री सहाय्यता निधीला एक लाख रुपये तसेच काड सिद्धेश्वर महाराज यांचे कणेरी मठाला दहा हजार रुपये मदत दिलेली आहे. तसेच यापुढेही समाजातील विविध संस्थांना साहित्य रुपाने मदत करण्याचेही ठरवलेले आहे.
संबंधित बातम्या
